Jambyl oblysynda biýdjet aqshasyna kózsiz qol salǵandar sottaldy, dep habarlaidy Dalanews.kz
300 mln teńgeden asa biýdjet qarajatyn jymqyrý isi boiynsha úkim shyqty. Buǵan deiin Jambyl oblysynyń prokýratýrasy "Merki tájiribe sharýashylyǵy" JShS men "Jemis-jidek" JShS qyzmetine tekserý júrgizip, asa iri mólsherde biýdjet qarajatyn jymqyrý derekterin anyqtaǵan.
"Bul derekter boiynsha qylmystyq is tirkelip, tergeýdi júrgizý oblys prokýratýrasynyń arnaiy prokýrorlaryna júkteldi. Iaǵni 2015-2022 jyldar aralyǵynda JShS basshylary qol astyndaǵy qyzmetkerlerdiń kómegimen jemis aǵashtarynyń kóshetterin satýmen bailanysty qujattardy qoldan jasap, satylǵan ónim kólemin ádeii asyra kórsetkeni anyqtaldy. Alaiaqtyq áreketterdiń nátijesinde olar memleketten 321 mln teńgeden asa kólemde zańsyz sýbsidiia alǵan. Qylmystyq is aiasynda aiǵaqtar tolyq jinalyp, kúdiktilerge QK-tiń 190-baby 4-bóliginiń 2-tarmaǵy jáne 385-baby 2-bóligi (alaiaqtyq jáne jalǵan qujattardy qoldan jasaý) boiynsha aiyp taǵyldy", - dep jazylǵan habarlamada.
2025 jylǵy 23 shildede Merki aýdandyq soty kúdiktilerdi kináli dep tanydy. JShS basshylaryna 6 jyldan 7 jylǵa deiin bas bostandyǵynan aiyrý jazasy taǵaiyndaldy, sondai-aq, 10 jyl merzimge qarjy baqylaýy jáne memlekettik sektor salasynda laýazym atqarýǵa tyiym salyndy.
Alaiaqtyq jasaýǵa kómektesken bes qyzmetkerge 3 jyldan 5 jylǵa deiingi merzimge bas bostandyǵyn shekteý jazasy taǵaiyndaldy.
Úkim zańdy kúshine engen joq.
