جامبىل وبلىسىندا بيۋدجەت اقشاسىنا كوزسىز قول سالعاندار سوتتالدى، دەپ حابارلايدى Dalanews.kz
300 ملن تەڭگەدەن اسا بيۋدجەت قاراجاتىن جىمقىرۋ ءىسى بويىنشا ۇكىم شىقتى. بۇعان دەيىن جامبىل وبلىسىنىڭ پروكۋراتۋراسى "مەركى تاجىريبە شارۋاشىلىعى" ج ش س مەن "جەمىس-جيدەك" ج ش س قىزمەتىنە تەكسەرۋ جۇرگىزىپ، اسا ءىرى مولشەردە بيۋدجەت قاراجاتىن جىمقىرۋ دەرەكتەرىن انىقتاعان.
"بۇل دەرەكتەر بويىنشا قىلمىستىق ءىس تىركەلىپ، تەرگەۋدى جۇرگىزۋ وبلىس پروكۋراتۋراسىنىڭ ارنايى پروكۋرورلارىنا جۇكتەلدى. ياعني 2015-2022 جىلدار ارالىعىندا ج ش س باسشىلارى قول استىنداعى قىزمەتكەرلەردىڭ كومەگىمەن جەمىس اعاشتارىنىڭ كوشەتتەرىن ساتۋمەن بايلانىستى قۇجاتتاردى قولدان جاساپ، ساتىلعان ءونىم كولەمىن ادەيى اسىرا كورسەتكەنى انىقتالدى. الاياقتىق ارەكەتتەردىڭ ناتيجەسىندە ولار مەملەكەتتەن 321 ملن تەڭگەدەن اسا كولەمدە زاڭسىز سۋبسيديا العان. قىلمىستىق ءىس اياسىندا ايعاقتار تولىق جينالىپ، كۇدىكتىلەرگە قك-تىڭ 190-بابى 4-بولىگىنىڭ 2-تارماعى جانە 385-بابى 2-بولىگى (الاياقتىق جانە جالعان قۇجاتتاردى قولدان جاساۋ) بويىنشا ايىپ تاعىلدى"، - دەپ جازىلعان حابارلامادا.
2025 جىلعى 23 شىلدەدە مەركى اۋداندىق سوتى كۇدىكتىلەردى كىنالى دەپ تانىدى. ج ش س باسشىلارىنا 6 جىلدان 7 جىلعا دەيىن باس بوستاندىعىنان ايىرۋ جازاسى تاعايىندالدى، سونداي-اق، 10 جىل مەرزىمگە قارجى باقىلاۋى جانە مەملەكەتتىك سەكتور سالاسىندا لاۋازىم اتقارۋعا تىيىم سالىندى.
الاياقتىق جاساۋعا كومەكتەسكەن بەس قىزمەتكەرگە 3 جىلدان 5 جىلعا دەيىنگى مەرزىمگە باس بوستاندىعىن شەكتەۋ جازاسى تاعايىندالدى.
ۇكىم زاڭدى كۇشىنە ەنگەن جوق.
