Jambyl oblysy Talas aýdanynda eki kámeletke tolmaǵan balany quldyqta ustaǵan kúdikti usaldy. Politsiia uryp-soǵý faktisi boiynsha isti tergep jatyr,- dep habarlaidy Dalanews.kz
QR Ishki ister ministrliginiń resmi ókili Shyńǵys Álekeshovtiń habarlaýynsha, kúdikti ýaqytsha ustaý izoliatoryna qamaldy. Balalarǵa meditsinalyq jáne psihologiialyq kómek kórsetilip jatyr.
"Jambyl oblysy Talas aýdanynda eki kámeletke tolmaǵan balaǵa qatysty júieli uryp-soǵý faktisi boiynsha qozǵalǵan qylmystyq istiń tergelýi Ishki ister ministri E. Sadenovtiń jeke baqylaýynda. Jergilikti politsiia qyzmetkerlerine qatysty qyzmettik tekseris taǵaiyndaldy", - dep jazdy Shyńǵys Álekeshov.
Bul oqiǵaǵa áleýmettik jelide taraǵan beinejazba túrtki boldy. Kadrlarda júdeý, denesinde kógergen jáne jaraqat izderi bar balalar bes jyldan beri zorlyq kórip kele jatqanyn aitady. Olardyń sózinshe, telefondaryn tartyp alyp, táýlik boiy qoi baqtyrǵan.
