Taraz qalasyndaǵy Jambyl oblysynyń ortalyq aýdandyq aýrýhanasy jetkizilgen dári-dármekter men meditsinalyq quraldar úshin 22 million teńgeden astam tólemdi áli kúnge deiin jasamaǵan. Osyǵan bailanysty “S.” jaýapkershiligi shekteýli seriktestigi Jambyl oblystyq Sot-meditsinalyq ekonomikalyq saraptamasyna júginip, aýrýhanadan bereshek somany jáne turaqsyzdyq aiybyn óndirip alý týraly sotqa talap aryz túsirgen, dep habarlaidy Dalanews.kz.
Sot barysynda taraptar arasynda birneshe jetkizilim kelisimsharty jasalǵany belgili boldy. Bul qujattarǵa sáikes, “S.” JShS aýrýhanaǵa jalpy somasy 22 million teńgeden asatyn dárilik zattar men meditsinalyq buiymdardy jetkizgen. Alaida, aýrýhana bul taýarlar úshin kelisilgen merzimde tólem jasamaǵan.
Aýrýhana ókili sotta bereshek somasyn moiyndap, qarjylyq qiyndyqtar men kreditorlyq bereshekterdiń jinalýyn syltaý etip kórsetti. Al sot Azamattyq kodekstiń 469-babynyń 1-tarmaǵyna silteme jasai otyryp, satyp alýshy taýar úshin shartta kórsetilgen tártippen aqy tóleýge mindetti ekenin eske saldy.
Nátijesinde sot talapkerdiń talabyn ishinara qanaǵattandyrdy: turaqsyzdyq aiyby bastapqyda talap etilgen 1 million teńgeden 500 myń teńgege deiin qysqartyldy. Endi aýdandyq aýrýhana negizgi 22 million teńgeden astam bereshekti, 500 myń teńge turaqsyzdyq aiybyn jáne sot shyǵyndaryn óteýi tiis.
Atalǵan sheshim ázirge zańdy kúshine engen joq.
