Тараз қаласындағы Жамбыл облысының орталық аудандық ауруханасы жеткізілген дәрі-дәрмектер мен медициналық құралдар үшін 22 миллион теңгеден астам төлемді әлі күнге дейін жасамаған. Осыған байланысты “С.” жауапкершілігі шектеулі серіктестігі Жамбыл облыстық Сот-медициналық экономикалық сараптамасына жүгініп, ауруханадан берешек соманы және тұрақсыздық айыбын өндіріп алу туралы сотқа талап арыз түсірген, деп хабарлайды Dalanews.kz.

Сот барысында тараптар арасында бірнеше жеткізілім келісімшарты жасалғаны белгілі болды. Бұл құжаттарға сәйкес, “С.” ЖШС ауруханаға жалпы сомасы 22 миллион теңгеден асатын дәрілік заттар мен медициналық бұйымдарды жеткізген. Алайда, аурухана бұл тауарлар үшін келісілген мерзімде төлем жасамаған.

Аурухана өкілі сотта берешек сомасын мойындап, қаржылық қиындықтар мен кредиторлық берешектердің жиналуын сылтау етіп көрсетті. Ал сот Азаматтық кодекстің 469-бабының 1-тармағына сілтеме жасай отырып, сатып алушы тауар үшін шартта көрсетілген тәртіппен ақы төлеуге міндетті екенін еске салды.

Нәтижесінде сот талапкердің талабын ішінара қанағаттандырды: тұрақсыздық айыбы бастапқыда талап етілген 1 миллион теңгеден 500 мың теңгеге дейін қысқартылды. Енді аудандық аурухана негізгі 22 миллион теңгеден астам берешекті, 500 мың теңге тұрақсыздық айыбын және сот шығындарын өтеуі тиіс.

Аталған шешім әзірге заңды күшіне енген жоқ.