Jamantai Beisenbaev: «Aýyl sharýashylyǵy ónimderin óńdeý mańyzdy baǵyt»
– Jetisai aýdany úshin búgingi tańda eń ózekti máseleniń biri biz óndirgen ónimimizdiń kópshiligin shikizat retinde jiberip otyrǵandyǵymyz. Eki aýdanda da – sol másele. Mysaly, maqtany alamyz da talshyq kúiinde ǵana satamyz. Eger ony jip qylyp satsaq, qosymsha taǵy paida túser edi. Ony mata qylyp satsaq, paida odan saiyn kóbirek bolady. Kiim qylyp tiksek, odan da qosymsha tabys kózderi bolar edi. «Qaýyn-fest-ti» ótkizgendegi bir maqsatymyz osynda qaýyn-qarbyzdan djem, tosap, shyryn jasap shyǵaratyn óńdeý tsehtaryn ashý, ony ashatyn kásipkerlerdiń qyzyǵýshylyǵyn oiatý, paidasy shash-etekten ekenin kórsetý bolatyn. Odan qalsa, qaýyn-qarbyzdy bal aralaryna azyq, malǵa jem retinde paidalanýǵa da bolady. Bir ǵana qaýynnyń ózinen on túrli ónim shyǵarýǵa bolatynyn biz keshe kórsettik. Sonda bizdiń ekken qaýynymyz qaldyqsyz ónimge ainalady, – deidi aýdan ákimi.
– Jerimizdiń barlyǵy sýarmaly. Sol jerdiń arqasynda halyq kún kórip otyr. Biz osy jerden jem-shóp daiyndaityn úlken kooperativter qurý arqyly taýyq fermalaryn, mal bordaqylaý fermalaryn ashsaq, qurama jemdi ózimizde shyǵarsaq deimiz. Bul birinshiden qosymsha jumys oryny jáne qosymsha tabys kózi bolar edi. Mine, osyndai máselelerimiz bar. Munyń bárin qolǵa alyp, júzege asyrýǵa bolady, árine.
Dalanews.kz
