Májilis depýtaty Aidarbek Qojanazarov depýtattyq saýalynda aýyl sharýashylyǵyndaǵy ózekti máselelerdi qozǵai otyryp, ákimdik jumysyn synǵa aldy, dep habarlaidy Dalanews.kz.
Ol aýyl sharýashylyǵyna bailanysty beriletin statistikanyń kóp jaǵdaida shyndyqqa janaspaitynyn atap ótti.
"Statistikaǵa súiensek árbir qazaqstandyq kún saiyn jarty keli kartop tutyný kerek ekenin bilesiz be? Al bul kartoptyń otany Belarýs elinen birneshe ese kóp degen sóz. Statistikaǵa beker súienip otyrǵan joqpyn. Sebebi elimiz kartopty 2 ese az óndiredi. Dál osyndai jaǵdai basqa da salada kezdesedi. Iaǵni, shynaiy ómir men resmi statistika sáikes kelmeidi” - deidi depýtat.
Osy tusta Qojanazarov ákimdik jumysyna qatty shúilikti.
"Barlyq deńgeidegi ákimdikter, ortalyq memlekettik organdar jalǵan málimet berýdi ábden úirenip aldy. Bylai aitqanda, jeke qosalqy sharýashylyqtardyń kórsetkishterin óz betinshe eselep, statistikany túrlendire beredi. Bul úshin jaýapkershilik múldem qarastyrylmaǵan. Eldi jaman ákim tozdyrady, jaqsy ákim ozdyrady degen halyq danalyǵy bar. Árine, ákimderdiń arasyndaǵy báseke degen jaqsy. Biraq ákimder naqty atqarylǵan ispen, nátijemen jarysyp jatsa, onda ony quptaýǵa bolady. Al oidan shyǵarǵan sandarmen arzan upai jinaý elge qajet emes", - dedi Aidarbek Qojanazarov.
Depýtat mundai áreketter biýdjetti josparlaý kezinde qate sheshimderge ákeletinin jetkizdi.
