Áleýmettik jelilerde túrli pikirler men negizsiz aiyptaýlarǵa tap bolǵan UQShU tóraǵasy Imanǵali Tasmaǵambetov qoǵamǵa alǵash ret ashyq málimdeme jasap, ustanymy men ómirlik qaǵidalaryn jetkizdi dep habarlaidy Dalanews.kz.
Sońǵy kezde keibir qoldanýshylar onyń UQShU-daǵy qyzmeti men elge degen adaldyǵyna kúmán keltirip, tipti "reseishil", "satqyn" dep te aiyptaǵan edi.
Tasmaǵambetov osyǵan qatysty pikirin sabyrmen jetkizip, «aqtyń otyn aqymaq óshire almaidy», – dedi.
Onyń sózinshe, aqiqat tek kózge kórinetin dúnie emes, ol júrekpen sezilip, ardyń tarazysyna salynady. Qoǵam qairatkeri áleýmettik jeliniń jaýapsyzdyq pen jalǵan aqparattyń tez taraýyna jol ashatynyn moiyndai otyryp, azamattardy ar aldyndaǵy jaýapkershilikti umytpaýǵa shaqyrdy.
«Men – týǵan eldiń perzentimin», – degen Imanǵali Nurǵaliuly óz málimdemesinde Atyraýdyń kieli topyraǵynda dúniege kelip, qazaqy tárbie kórgenin, el men jer aldyndaǵy amanatqa adal bolýdy ómirlik ustanymy etkenin erekshe atap ótti.
Ol UQShU-daǵy qyzmetin de Qazaqstannyń qaýipsizdigi men el múddesin qorǵaýǵa arnaǵanyn aityp, el úshin kez kelgen synaqqa tózý – ózine mártebe ekenin jetkizdi.
"Keibir baqytsyz jandar meni "reseishil", "orysshyl" dep qaralap júr. Kelissózdiń kúshi emes, zymyrannyń mysy basyp turǵan zamanda, ODKB-ǵa týǵan elimniń atynan baryp, memlekettiń múddesi úshin ot pen sýǵa túskenim úshin satqyn bolǵanym ba?.. Qadirimdi bilmegenderdiń arasynda eńsemdi túsirgim kelmeidi", - deidi saiasatker.
"Jalǵan sóz – jara, al ar – shyndyqtyń qalqany", – degen ol qoǵamdy jelide taraǵan kez kelgen aqparatqa syn kózben qaraýǵa shaqyrdy. Ábish Kekilbaevtyń «Arly adam – eń kúshti adam» degen sózin mysalǵa keltirip, azamattyq ustanym men adaldyqty bárinen biik qoidy.
Tasmaǵambetov sonymen qatar qazirgi kúrdeli geosaiasi jaǵdaida ult birligi men rýhani táýelsizdiktiń mańyzyna erekshe toqtalyp, óz ultyna qarsy áreketti qanypezerlik, al bógdeniń soiylyn soǵýdy soqyrlyq dep baǵalady.
Aitýynsha, Ýkraina men Reseidiń arasyndaǵy qantógiste jeńimpaz bolmaidy. Bári de jeńiledi. Mundai jaǵdaida bireýdiń soiylyn soǵý naǵyz soqyrlyq. Al óz ultyna soǵys tileý naǵyz qanipezerlik.
Qazir shetelde qyzmet etip júrse de, oiy men júregi árdaiym Qazaqstanmen birge ekenin aitqan qairatker, eldiń ár jetistigin óziniń jeńisindei qabyldaitynyn aitty. Ol qyzmet barysynda eshqashan uiatqa qaldyrar áreketke barmaǵanyn aityp, halyq aldynda da, ar aldynda da júzi ashyq ekenin jetkizdi.
Tasmaǵambetovtiń bul úndeýi qoǵamdy sabyrlyqqa, aýyzbirshilik pen parasatqa shaqyrǵan mándi málimdeme boldy. Málimdemesin qasietti Oraza ait merekesimen quttyqtaýmen aiaqtap, halyqqa birlik pen bereke tiledi.
