– Tekserý is-sharalaryn ótkizýdiń alǵashqy saǵattarynda er adamnyń jeke basy beinejazbadan anyqtaldy. Ol A. degen azamat, 1980 jyly týǵan, Almaty oblysy Eńbekshiqazaq aýdanynyń ortalyq aýrýhanasynda dáriger-ginekolog bolyp jumys isteidi. Qazir ustaldy. Ol jalǵan aqparat taratqanyn moiyndap, ókinetinin aitty. Qazir aýdandyq politsiia basqarmasy tergeý is-sharalar keshenin júrgizýde, onyń nátijesinde qylmystyq is boiynsha túpkilikti protsessýaldyq sheshim qabyldanady, – dedi Almaty oblysy Politsiia departamentiniń bastyǵy politsiia general-maiory Serik Kúdebaev.
Sonymen qatar, politsiia jalǵan málimetterdi taratqany úshin qylmystyq jaýapkershilik týraly eske saldy.
– Kóptegen jaǵdailarda keibir azamattar jalǵan málimetterdi taratýǵa tyiym salynǵanyn bilmegenin alǵa tartady. Biraq, Zańdy bilmeý jaýapkershilikten bosatpaidy. Bul aksiomany árkim bilýi kerek. Osyǵan bailanysty jurtshylyqty negizsiz úrei men dúrlikpeý úshin memlekettik organdardyń tek resmi habarlamalaryn basshylyqqa alýǵa jáne kúmándi kózderdiń aqparattaryn taratýǵa qatyspaýǵa shaqyramyz, – dep túiindedi Serik Kúdebaev.
Esterińizge sala keteiik, QR QK-niń 274-babynyń 2-bóligine sáikes BAQ jáne aqparattyq-kommýnikatsiialyq jeliler arqyly kórineý jalǵan aqparat taratý 3 myń AEK-ke deiingi mólsherde aiyppul salýǵa, ne sol mólsherde túzeý jumystaryna, ne 800 saǵatqa deiingi merzimge qoǵamdyq jumystarǵa tartýǵa, ne 3 jylǵa deiingi merzimge bas bostandyǵyn shekteýge, ne sol merzimge bas bostandyǵynan aiyrýǵa jazalanady.
