– تەكسەرۋ ءىس-شارالارىن وتكىزۋدىڭ العاشقى ساعاتتارىندا ەر ادامنىڭ جەكە باسى بەينەجازبادان انىقتالدى. ول ا. دەگەن ازامات، 1980 جىلى تۋعان، الماتى وبلىسى ەڭبەكشىقازاق اۋدانىنىڭ ورتالىق اۋرۋحاناسىندا دارىگەر-گينەكولوگ بولىپ جۇمىس ىستەيدى. ءقازىر ۇستالدى. ول جالعان اقپارات تاراتقانىن مويىنداپ، وكىنەتىنىن ايتتى. ءقازىر اۋداندىق پوليسيا باسقارماسى تەرگەۋ ءىس-شارالار كەشەنىن جۇرگىزۋدە، ونىڭ ناتيجەسىندە قىلمىستىق ءىس بويىنشا تۇپكىلىكتى پروسەسسۋالدىق شەشىم قابىلدانادى، – دەدى الماتى وبلىسى پوليسيا دەپارتامەنتىنىڭ باستىعى پوليسيا گەنەرال-مايورى سەرىك كۇدەبايەۆ.
سونىمەن قاتار، پوليسيا جالعان مالىمەتتەردى تاراتقانى ءۇشىن قىلمىستىق جاۋاپكەرشىلىك تۋرالى ەسكە سالدى.
– كوپتەگەن جاعدايلاردا كەيبىر ازاماتتار جالعان مالىمەتتەردى تاراتۋعا تىيىم سالىنعانىن بىلمەگەنىن العا تارتادى. ءبىراق، زاڭدى بىلمەۋ جاۋاپكەرشىلىكتەن بوساتپايدى. بۇل اكسيومانى اركىم ءبىلۋى كەرەك. وسىعان بايلانىستى جۇرتشىلىقتى نەگىزسىز ۇرەي مەن دۇرلىكپەۋ ءۇشىن مەملەكەتتىك ورگانداردىڭ تەك رەسمي حابارلامالارىن باسشىلىققا الۋعا جانە كۇماندى كوزدەردىڭ اقپاراتتارىن تاراتۋعا قاتىسپاۋعا شاقىرامىز، – دەپ تۇيىندەدى سەرىك كۇدەبايەۆ.
ەستەرىڭىزگە سالا كەتەيىك، ق ر قك-نىڭ 274-بابىنىڭ 2-بولىگىنە سايكەس ب ا ق جانە اقپاراتتىق-كوممۋنيكاسيالىق جەلىلەر ارقىلى كورىنەۋ جالعان اقپارات تاراتۋ 3 مىڭ اەك-كە دەيىنگى مولشەردە ايىپپۇل سالۋعا، نە سول مولشەردە تۇزەۋ جۇمىستارىنا، نە 800 ساعاتقا دەيىنگى مەرزىمگە قوعامدىق جۇمىستارعا تارتۋعا، نە 3 جىلعا دەيىنگى مەرزىمگە باس بوستاندىعىن شەكتەۋگە، نە سول مەرزىمگە باس بوستاندىعىنان ايىرۋعا جازالانادى.
