2025 jyldyń I-toqsanynda Qazaqstannyń mikroqarjy uiymdary 30,4 mlrd teńge tabys tapty, bul - ótken jyldyń sáikes kezeńimen salystyrǵanda 6,8%-ǵa artyq kórsetkish. Buǵan Ulttyq Bank alǵa tartqan derekteri dálel bola alady. Máselen, taza paida mólsheri boiynsha "Zaimer" brendimen tanymal "Robokesh" MQU kósh bastap tur, dep habarlaidy Dalanews.kz.
Ol bir jyl ishinde tabysyn 74,8%-ǵa ulǵaityp, 4,8 mlrd teńge tapqan. Kompaniia onlain-nesieleýge jáne "jalaqyǵa deiingi shaǵyn nesieler" berýge mamandanǵan.
"Qazaqstanda 2025 jylǵy qańtar-naýryz ailaryndaǵy eń tabysty 10 MQU-nyń beseýi de onlain-nesieleýge baǵyt-baǵdar alǵandar. Aita ketý kerek, ótken jyldyń tamyz aiynda jalaqyǵa deiingi zaemdar boiynsha jyldyq tiimdi syiaqy mólsherlemesiniń (JTSM) eń joǵary shegin 179% deńgeiinde shekteý onlain-nesieleýmen ainalysatyn kompaniialardyń tabatyn paidasyna aitarlyqtai áser etken joq. Ásirese, osy shekti mólsherlemeler belgilengenge deiin jalaqyǵa deiingi zaemdar boiynsha JTSM mólsherlemesi 2600%-dan da asýy múmkin ekenin eskersek", dep bul statistikaǵa Finprom túsinikteme keltiredi.
Ekinshi orynda avtonesieleý salasyndaǵy "Toiota Fainanshl Servisez Qazaqstan" MQU tur. Onyń taza paidasy 61,4% -ǵa, iaǵni 3 mlrd teńgege deiin ósti. Úzdik ondyqqa avtonesieleý salasynan "Shinhan Finans" (1,2 mlrd teńge) MQU-da ilingen.
Sonymen qatar, úzdik ondyq qatarynda jekelei klienttermen de, biznespen de jumys isteitin "ámbebap" MQU-lar da bar: KMF (2,4 mlrd teńge), Tas Finance Group (1,5 mlrd teńge) jáne "Arnýr Kredit" (917 mln teńge).
2025 jyldyń 1 sáýirindegi jaǵdai boiynsha, Qazaqstanda 213 MQU tirkelgen, onyń ishinde 143 kompaniia I-toqsannyń qorytyndysy boiynsha taza paidaǵa keńelgen. 10 MQU nóldik qarjylyq nátije kórsetti. Birden 60 uiym shyǵynǵa ushyraǵan.
Buǵan deiin zańsyz ári joǵary paiyzben nesie bergen "Jyldam aqsha" mikroqarjy uiymy tekserilip jatqanyn jazǵanbyz.
