Kásipker jáne Qazatompromnyń burynǵy basshysy Muhtar Jákishev jańa joba bastady. Alaida oǵan kedergi keltirýshiler paida bolǵan, - dep habarlaidy Dalanews.kz.
Bul týraly Jákishev jýrnalist Vadim Boreikoǵa bergen suhbatynda aitty. Muhtar Jákishev kennen nikel alýdyń biregei tehnologiiasyn jasap shyǵarǵan. Onyń álemde balamasy joq. Alaida elde Jákishevtiń bul jobalaryn aiaqtan shalyp jatqandar tabylǵan.
"Japoniiadaǵylar 50 paiyz investitsiia quiýǵa daiyn. Bul Japoniia úkimetiniń reaktsiiasy. Al bizdikilerdiń reaktsiiasy qandai?
Bastapqyda Indýstriia jáne infraqurylymdyq damý ministrligi hat jiberdik. 2023 jyldyń 13 maýsymynda ministrlikke hat joldadyq. Hatta ken ornynan nikel óndirýge tiisti ýran tehnologiiasyna negizdelgen burynǵy eski óndiristik baǵdarlama jumys istemeitinin aittyq. Biz ol týraly 1,5 jyl zertteý júrgizdik. Bul tehnologiia jumys istemeitinine kóz jetkizdik. Qol qýsyryp otyrmai, álemde balamasy joq tehnologiia oilap taptyq. Ol tehnologiianyń artyqshylyǵy nede? Biz nikeldi osy tehnologiianyń nátijesinde alamyz, ol "jasyl" tehnologiia, iaǵni artyq qaldyq bolmaidy. Bul álemdegi alǵashqy "jasyl" nikel bolmaq. Hatta osynyń bárin baiandadyq. Biraq vitse-ministr Sharhan Iran bas tartty. Bul birinshi hat", - deidi Jákishev.
Artynsha qarashada Jákishev ministrliktegiler buǵan deiin hatta jazylǵan nárseni túsinbei qalǵan bolar dep oilap, burynǵy tehnologiia jumys istemeitinin taǵy aityp, jańa baǵdarlama usynyp, qaitadan hat jibergen.
"Qaitadan bas tartty (ministrlik). Odan keiingi hatty 25 qańtarda jiberdik. Qaitadan usynysymyzdy qabyldamai, bas tartty. Qujatqa Sharhan Iran qol qoiǵan", - deidi Muhtar Jákishev.
Aita keteiik, Muhtar Jákishevtiń sózinshe, ol ázirlegen tehnologiia Qazaqstan aýmaǵynda ornalasqan ken oryndaryn igerýge múmkindik beretin kórinedi.
