"Delta shtamnyń taralýyna bailanysty óńirlerde epidemiologiialyq jaǵdai nasharlady. Respýblika boiynsha virýs juqtyrý aitarlyqtai kóbeigen.
3 tamyzdaǵy jaǵdai boiynsha aýrýhanadaǵy oryndar sanynyń 56 paiyzy, al reanimatsiialyq oryndardyń 44 paiyzy toldy", - dedi Mamin úkimet otyrysynda.
Ol pandemiiadan shyǵýdyń jalǵyz joly vaktsinalaý ekenin taǵy bir márte qaitalady.
Aitýynsha, búgingi tańda elimizde 5,5 milliondai adam vaktsinanyń birinshi komponentin jáne 4 millionǵa jýyǵy ekinshi komponentin alǵan.
"Bul jumysty jalǵastyrý qajet", - dedi premer.
Sonymen qatar, Úkimet basshysy Ashyq jobasy bizneske karantin jaǵdaiynda jumys isteýge múmkindik berip otyrǵanyn eske saldy.
"Óńir ákimderi men Densaýlyq saqtaý ministrligi barlyq aýrýhanalardyń, bastapqy pýnktterdiń, mobildi brigadalar men PTR-zerthanalardyń úzdiksiz jumys isteýin, dári-dármek pen qorǵanysh quraldarynyń jetkilikti bolýyn qamtamasyz etsin.
Sondai-aq, Ishki ister jáne Densaýlyq saqtaý ministrlikteri monitoring toptarynyń sanitarlyq-epidemiialyq normalardyń buzylýyn baqylaý jáne anyqtaý boiynsha jumysyn kúsheitsin", - dedi A. Mamin.
Úkimet otyrysynda Densaýlyq saqtaý ministri Aleksei Tsoi eldegi epidemiologiialyq jaǵdaidy baian etti.
"Juqpaly aýrýhanalardaǵy eń kóp naýqas Nur-Sultan, Shymkent qalalarynda, jansaqtaý bólimindegi naýqastar Aqmola, Atyraý, Mańǵystaý oblystary men Nur-Sultan qalasynda kóp tirkelgen", - dedi ministr.
