"دەلتا شتامنىڭ تارالۋىنا بايلانىستى وڭىرلەردە ەپيدەميولوگيالىق جاعداي ناشارلادى. رەسپۋبليكا بويىنشا ۆيرۋس جۇقتىرۋ ايتارلىقتاي كوبەيگەن.
3 تامىزداعى جاعداي بويىنشا اۋرۋحاناداعى ورىندار سانىنىڭ 56 پايىزى، ال رەانيماسيالىق ورىنداردىڭ 44 پايىزى تولدى"، - دەدى مامين ۇكىمەت وتىرىسىندا.
ول پاندەميادان شىعۋدىڭ جالعىز جولى ۆاكسينالاۋ ەكەنىن تاعى ءبىر مارتە قايتالادى.
ايتۋىنشا، بۇگىنگى تاڭدا ەلىمىزدە 5،5 ميلليونداي ادام ۆاكسينانىڭ ءبىرىنشى كومپونەنتىن جانە 4 ميلليونعا جۋىعى ەكىنشى كومپونەنتىن العان.
"بۇل جۇمىستى جالعاستىرۋ قاجەت"، - دەدى پرەمەر.
سونىمەن قاتار، ۇكىمەت باسشىسى Ashyq جوباسى بيزنەسكە كارانتين جاعدايىندا جۇمىس ىستەۋگە مۇمكىندىك بەرىپ وتىرعانىن ەسكە سالدى.
"ءوڭىر اكىمدەرى مەن دەنساۋلىق ساقتاۋ مينيسترلىگى بارلىق اۋرۋحانالاردىڭ، باستاپقى پۋنكتتەردىڭ، ءموبيلدى بريگادالار مەن پتر-زەرتحانالاردىڭ ۇزدىكسىز جۇمىس ىستەۋىن، دارى-دارمەك پەن قورعانىش قۇرالدارىنىڭ جەتكىلىكتى بولۋىن قامتاماسىز ەتسىن.
سونداي-اق، ىشكى ىستەر جانە دەنساۋلىق ساقتاۋ مينيسترلىكتەرى مونيتورينگ توپتارىنىڭ سانيتارلىق-ەپيدەميالىق نورمالاردىڭ بۇزىلۋىن باقىلاۋ جانە انىقتاۋ بويىنشا جۇمىسىن كۇشەيتسىن"، - دەدى ا. مامين.
ۇكىمەت وتىرىسىندا دەنساۋلىق ساقتاۋ ءمينيسترى الەكسەي سوي ەلدەگى ەپيدەميولوگيالىق جاعدايدى بايان ەتتى.
"جۇقپالى اۋرۋحانالارداعى ەڭ كوپ ناۋقاس نۇر-سۇلتان، شىمكەنت قالالارىندا، جانساقتاۋ بولىمىندەگى ناۋقاستار اقمولا، اتىراۋ، ماڭعىستاۋ وبلىستارى مەن نۇر-سۇلتان قالاسىندا كوپ تىركەلگەن"، - دەدى مينيستر.
