Qazaqstandyq Allur avtomobil kompaniiasynyń quramyndaǵy JAC Motors brendi 2025 jyldyń qorytyndysy boiynsha elimizdegi eń suranysqa ie avtokólik markalarynyń biri ekenin taǵy bir márte dáleldedi. Kompaniianyń modelderi Qazaqstannyń jappai segmentinde turaqty suranys pen básekege qabilettiligin saqtap otyr, dep habarlaidy Dalanews.kz.
Byltyr JAC markasynyń jiyntyq satylymy 10 330 avtomobildi qurady. Bul kórsetkish brendke degen joǵary senimdi aiǵaqtaidy. Satylymnyń oń dinamikasy ásirese avtonaryq úshin dástúrli túrde eń qyzý kezeń sanalatyn jeltoqsan aiynda baiqaldy. Osy aida JAC 1 543 avtomobil satyp, el boiynsha barlyq markalar arasynda besinshi orynǵa kóterildi.
Jyldyń mańyzdy jetistikteriniń biri - JAC S3 Pro yqsham krossoveriniń Qazaqstandaǵy eń kóp satylǵan TOP-10 avtomobildiń qataryna enýi. Jyl qorytyndysy boiynsha bul modeldiń satylymy 5 133 birlikti qurady.
"JAC S3 Pro modeliniń jyl qorytyndysy boiynsha TOP-10-ǵa enýi - eń aldymen, tutynýshylarymyzdyń seniminiń kórsetkishi. Biz satyp alýshylardyń JAC avtomobilderiniń praktikalyǵy, qoljetimdiligi jáne Qazaqstan jaǵdaiyna beiimdelýin joǵary baǵalaitynyn kórip otyrmyz", - dedi JAC Motors Qazaqstan distribýtsiiasynyń satý bóliminiń basshysy Daniiar Shamuhajy.
Aita keterlik jait, Qazaqstan naryǵyndaǵy eń kóp satylǵan alǵashqy on modeldiń barlyǵy el ishinde óndirilgen. Bul tizimdegi JAC-tyń bolýy jergilikti óndiristiń otandyq avtokólikadol indýstriiasyn damytýdaǵy, jumys oryndaryn qurýdaǵy jáne ónerkásiptik ekojúieni qalyptastyrýdaǵy strategiialyq mańyzyn kórsetedi. JAC S3 Pro modeli Qostanaidaǵy Allur zaýytynda usaq torapty jinaqtaý ádisimen shyǵarylady.
Qazaqstannyń Avtokólik Odaǵy dereginshe, 2025 jyl Qazaqstanda jańa jeńil jáne kommertsiialyq avtomobilder satylymy 200 myń birlikten asqan ekinshi jyl qatarynan tirkeldi. Naryqtyń ósýi tutynýshylardyń resmi brendterge jáne jergilikti óndiristegi avtokólikterge degen seniminiń joǵary ekenin ańǵartady.
2026 jyly JAC Motors Qazaqstan modeldik qatardy keńeitýdi, jergilikti qatysýdy kúsheitýdi jáne qazaqstandyq avtokólik ieleriniń qajettilikterine baǵyttalǵan klienttik servisterdi damytýdy josparlap otyr. Kompaniianyń basty maqsaty - naryqtaǵy uzaqmerzimdi ári turaqty ósim.
JAC brendi týraly
JAC Motors - 60 jyldan astam tarihy bar qytailyq avtokólik óndirýshi. Kompaniianyń jyldyq óndiristik qýaty 1 millionnan astam avtomobildi quraidy. Ǵylymi-zertteý jumystary Qytaida, Italiiada jáne Japoniiada júrgiziledi, al ónimderi 120-dan astam elge eksporttalady. JAC jeńil avtomobilderden bastap elektrobýstarǵa deiingi tehnikanyń keń spektrin shyǵarady.
Qazaqstanda JAC brendi 2015 jyldan beri Allur kompaniiasynyń qurylymynda usynylyp keledi. Elde jergilikti óndiris pen distribýtsiia jolǵa qoiylǵan. Allur zaýyty - Qazaqstan Respýblikasynda avtokóliktiń barlyq túrin tolyq óndiristik tsiklmen shyǵaratyn biregei kásiporyn.
