قازاقستاندىق Allur اۆتوموبيل كومپانياسىنىڭ قۇرامىنداعى JAC Motors برەندى 2025 جىلدىڭ قورىتىندىسى بويىنشا ەلىمىزدەگى ەڭ سۇرانىسقا يە اۆتوكولىك ماركالارىنىڭ ءبىرى ەكەنىن تاعى ءبىر مارتە دالەلدەدى. كومپانيانىڭ مودەلدەرى قازاقستاننىڭ جاپپاي سەگمەنتىندە تۇراقتى سۇرانىس پەن باسەكەگە قابىلەتتىلىگىن ساقتاپ وتىر، دەپ حابارلايدى Dalanews.kz.
بىلتىر JAC ماركاسىنىڭ جيىنتىق ساتىلىمى 10 330 ءاۆتوموبيلدى قۇرادى. بۇل كورسەتكىش برەندكە دەگەن جوعارى سەنىمدى ايعاقتايدى. ساتىلىمنىڭ وڭ ديناميكاسى اسىرەسە اۆتونارىق ءۇشىن ءداستۇرلى تۇردە ەڭ قىزۋ كەزەڭ سانالاتىن جەلتوقسان ايىندا بايقالدى. وسى ايدا JAC 1 543 اۆتوموبيل ساتىپ، ەل بويىنشا بارلىق ماركالار اراسىندا بەسىنشى ورىنعا كوتەرىلدى.
جىلدىڭ ماڭىزدى جەتىستىكتەرىنىڭ ءبىرى - JAC S3 Pro ىقشام كروسسوۆەرىنىڭ قازاقستانداعى ەڭ كوپ ساتىلعان توپ-10 ءاۆتوموبيلدىڭ قاتارىنا ەنۋى. جىل قورىتىندىسى بويىنشا بۇل مودەلدىڭ ساتىلىمى 5 133 بىرلىكتى قۇرادى.
"JAC S3 Pro مودەلىنىڭ جىل قورىتىندىسى بويىنشا توپ-10-عا ەنۋى - ەڭ الدىمەن، تۇتىنۋشىلارىمىزدىڭ سەنىمىنىڭ كورسەتكىشى. ءبىز ساتىپ الۋشىلاردىڭ JAC اۆتوموبيلدەرىنىڭ پراكتيكالىعى، قولجەتىمدىلىگى جانە قازاقستان جاعدايىنا بەيىمدەلۋىن جوعارى باعالايتىنىن كورىپ وتىرمىز"، - دەدى JAC Motors Qazaqstan ديستريبۋسياسىنىڭ ساتۋ ءبولىمىنىڭ باسشىسى دانيار شامۇحاجى.
ايتا كەتەرلىك جايت، قازاقستان نارىعىنداعى ەڭ كوپ ساتىلعان العاشقى ون مودەلدىڭ بارلىعى ەل ىشىندە وندىرىلگەن. بۇل تىزىمدەگى JAC-تىڭ بولۋى جەرگىلىكتى ءوندىرىستىڭ وتاندىق اۆتوكولىكادول يندۋسترياسىن دامىتۋداعى، جۇمىس ورىندارىن قۇرۋداعى جانە ونەركاسىپتىك ەكوجۇيەنى قالىپتاستىرۋداعى ستراتەگيالىق ماڭىزىن كورسەتەدى. JAC S3 Pro مودەلى قوستانايداعى Allur زاۋىتىندا ۇساق توراپتى جيناقتاۋ ادىسىمەن شىعارىلادى.
قازاقستاننىڭ اۆتوكولىك وداعى دەرەگىنشە، 2025 جىل قازاقستاندا جاڭا جەڭىل جانە كوممەرسيالىق اۆتوموبيلدەر ساتىلىمى 200 مىڭ بىرلىكتەن اسقان ەكىنشى جىل قاتارىنان تىركەلدى. نارىقتىڭ ءوسۋى تۇتىنۋشىلاردىڭ رەسمي برەندتەرگە جانە جەرگىلىكتى وندىرىستەگى اۆتوكولىكتەرگە دەگەن سەنىمىنىڭ جوعارى ەكەنىن اڭعارتادى.
2026 جىلى JAC Motors Qazaqstan مودەلدىك قاتاردى كەڭەيتۋدى، جەرگىلىكتى قاتىسۋدى كۇشەيتۋدى جانە قازاقستاندىق اۆتوكولىك يەلەرىنىڭ قاجەتتىلىكتەرىنە باعىتتالعان كليەنتتىك سەرۆيستەردى دامىتۋدى جوسپارلاپ وتىر. كومپانيانىڭ باستى ماقساتى - نارىقتاعى ۇزاقمەرزىمدى ءارى تۇراقتى ءوسىم.
JAC برەندى تۋرالى
JAC Motors - 60 جىلدان استام تاريحى بار قىتايلىق اۆتوكولىك ءوندىرۋشى. كومپانيانىڭ جىلدىق وندىرىستىك قۋاتى 1 ميلليوننان استام ءاۆتوموبيلدى قۇرايدى. عىلىمي-زەرتتەۋ جۇمىستارى قىتايدا، يتاليادا جانە جاپونيادا جۇرگىزىلەدى، ال ونىمدەرى 120-دان استام ەلگە ەكسپورتتالادى. JAC جەڭىل اۆتوموبيلدەردەن باستاپ ەلەكتروبۋستارعا دەيىنگى تەحنيكانىڭ كەڭ سپەكترىن شىعارادى.
قازاقستاندا JAC برەندى 2015 جىلدان بەرى Allur كومپانياسىنىڭ قۇرىلىمىندا ۇسىنىلىپ كەلەدى. ەلدە جەرگىلىكتى ءوندىرىس پەن ديستريبۋسيا جولعا قويىلعان. Allur زاۋىتى - قازاقستان رەسپۋبليكاسىندا اۆتوكولىكتىڭ بارلىق ءتۇرىن تولىق وندىرىستىك سيكلمەن شىعاراتىن بىرەگەي كاسىپورىن.
