Saryopan Operating zaýyty ónimderiniń negizgi tutynýshysynyń biri burynǵy ArselorMittal Temirtaý (AMT), qazirgi QarMet bolýy kerek bolǵan. 2019 jyly memlekettik organdar men AMT arasynda 2024 jylǵa qarai emissiia kólemin 30 paiyzǵa qysqartý týraly memorandým jasalǵan edi. Dál sol jyly Saryopan Operating, Sarmeuse Group jáne AMT arasynda taǵy bir memorandýmǵa qol qoiyldy. AMT-daǵy ák shyǵaratyn bólimshe jabylyp, onyń ónimi jańa zaýyttyń ónimine aýystyrylady dep josparlanǵan.
Jalpy alǵanda zaýyttyń ashylǵany aimaqqa da, elge de mańyzdy bolǵan. Olai deitinimiz, zaýyt iske qosylsa, jańa jumys oryndary ashylyp, infraqurylymnyń damýyna jol ashatyny belgili. Ári ák ózimizden shyqsa, import quny da tolyqtai túser edi. Odan qala berdi elimizdiń eń qatty lastanǵan aimaqtarynyń birinde ashylsa, bul zaýyt sol jerdiń ekologiialyq ahýalyn jaqsartady dep kútilgen.
Jospardy iske asyrý úshin RBK bankinen 16,6 mlrd teńge qaryz alynǵan. «Qarapaiym zattar ekonomikasy» memlekettik baǵdarlamasy aiasynda qarjylandyrylǵanyn da atap ótý kerek. Temirjol jolyn satyp, elektr jelisin tartýǵa «Biznestiń jol kartasy-2025» jobasy sheńberinde 3 mlrd teńge bólingen. Osylaisha jobaǵa jalpy 30 mlrd teńge investitsiia salynǵan.
Sondai jaǵymdy ózgeris kúttirgen bastama qazir toqtańqyrap tur. AMT aktsionerleri aýysqan soń kompaniiasynyń pozitsiiasy da ózgerdi. Jańa basshylyq burynǵy mindettemeler men sheteldik investorlar men memlekettik organdarmen jasasqan kelissózderdi oryndaýdan bas tartap otyr. Budan biz sheshim qabyldaýǵa kelgende sabaqtastyq joq ekenin kórip otyrmyz. Sonymen birge investitsiia tartý siiaqty mańyzdy dúniege kelgende mundai pozitsiia ustaný arqyly bedelge ájeptáýir nusqan kelýi múmkin. Qalai desek te, shetelden investor tartyp, el imidjin jaqsartýǵa sonsha kúsh salynǵany bar.
