Ishki ister ministrligi izdeýde júrgen alaiaq grek aralynda ustalǵanyn málimdedi, - dep habarlaidy Dalanews.kz.
Gretsiia aýmaǵynda ornalasqan Hios aralynda Qazaqstan IIM Interpoly sheteldik áriptesterimen ózara is-qimyl nátijesinde halyqaralyq izdeýge jariialanǵan alaiaqty ustady.
2021 jyly Almatydaǵy JShS-niń biriniń býhgalteri bolyp jumys istegen áiel óziniń jeke shotyna 230 myń AQSh dollary mólsherinde qarajatty zańsyz aýdarǵan.
Qazir ustalǵan adamdy Qazaqstanǵa berý týraly másele sheshilip jatyr.
Aita keteiik, buǵan deiin psihotrop zattardyń analogtaryn satý maqsatynda saqtaǵan qazaqstandyq Túrkiiadan ekstraditsiialandy.
Qazaqstan Respýblikasynyń Bas prokýratýrasy men QR IIM Interpolynyń qyzmetkerleri Qazaqstan Respýblikasy Syrtqy ister ministrliginiń kómegimen Túrkiia Respýblikasynan asa iri mólsherde psihotroptyq zattardyń analogtaryn satý maqsatynda zańsyz saqtaǵany úshin qylmystyq jaýapkershilikke tartý maqsatynda Qazaqstan azamatyn ekstraditsiialady.
Astanada 2022 jyly jeltoqsanda politsiia qyzmetkerleri jedel izdestirý sharalaryn júrgizý barysynda odan 17 qapshyq, asa iri kólemde metkatinon tárkiledi. Qylmys jasaǵannan keiin kúdiktiniń jasyrynýyna bailanysty oǵan halyqaralyq izdeý jariialandy.
"Biyl qazanda kúdikti Antalia qalasynda ustalyp, keiin Qazaqstan Respýblikasyna ekstraditsiialandy", - dep jazylǵan habarlamada.
