Izdeýde júrgen Arǵyn Nyǵmatýlinniń áieli Naile Belbaeva Almatynyń elitalyq aýdanynda quny 1,5 mlrd teńge bolatyn taýnhaýsqa ielik etedi. Bul múlik burynǵy “Almaly Gornaia 103 B” tutynýshylar kooperativiniń aýmaǵynda ornalasqan, onyń quryltaishylarynyń biri – Naile Belbaeva. 2022 jyly kooperativ jabylǵanymen, derekter bazasyndaǵy aqparat onyń bul aktivke áli de ielik etetinin kórsetedi, dep habarlaidy Dalanews.kz "Vyhod k moriý" telegram arnasyna silteme jasap.
Elitalyq turǵyn kesheni qaida ornalasqan?
Atalǵan keshen Almatynyń Medeý aýdanynda, áigili “Medeý” muz aidynyna baratyn jol boiynda, Kerei-Jánibek handar kóshesinde (burynǵy Gornaia) ornalasqan. Munda barlyǵy 12 taýnhaýs bar, keshenniń aýmaǵy jabyq jáne jeke kúzeti bar.
Arǵyn Nyǵmatýlin men onyń áieli Naile 103/17, 2-korpýsta turady. Olardyń ieliginde 600 m² turǵyn úi, jeke avtoturaǵy, shatyrda terrasasy jáne shaǵyn baǵy bar. Taýnhaýstyń terezeleri Nursultan Nazarbaevtyń burynǵy rezidentsiiasyna qaraidy. Qazirgi tańda bul múlik memleket menshigine ótken.
Kórshileri kim?
Naile Belbaevanyń kórshileri arasynda belgili adamdar bar. Solardyń biri – Nurlan Nigmatýlinniń taǵy bir aǵasy Erlannyń jary Baqyt Serikbaeva. Jalpy, bul keshende kezdeisoq turatyn adam joq. Bastapqyda kooperativ quryltaishylary qatarynda:
- Asqar Batalovtyń (burynǵy vitse-ministr) jubaiy Aqmaral,
- Rýslan Shaekinniń (biznesmen) áieli Janna Ospanova,
- Dáýren Jaqsybektiń (bankir) jary Janna Jaqsybek,
- Nurlan Igembaevtyń (KTZ Express-tiń eks-basshysy) qaiynenesi Marfýǵa Baltabaeva,
- Aniiatýlla Sársenovtyń (Almatydaǵy qarjy monitoringi departamentiniń burynǵy basshysy) qaryndasy Liazzat,
- Kásipkerler Erqanat Jumabekov pen Nurlan Baidibekov bolǵan.
Zańmen problemasy bar taǵy bir kórshi – Eldos Qospaev. Ol Bolat Nazarbaevtyń jaqyn serikteriniń biri bolǵan. 2024 jyldyń qańtarynda Qospaev qylmystyq top qurǵany úshin 15 jylǵa sottaldy.
Aita keteiik, 3 naýryzda Arǵyn Niǵmatýlinge izdeý jariialanyp, ol jáne basqa tulǵalar Qaraǵandy oblysynda hokkeidi damytýǵa bólingen biýdjet qarajatyn jymqyrdy degen kúdikke ilindi.
