Sybailas jemqorlyqqa qarsy qyzmet izdeýde júrgen tulǵadan quny 2,3 mlrd teńgeden astam múlkin tárkiledi, dep habarlaidy Dalanews.kz.
Sybailas jemqorlyqqa qarsy qyzmet Memleket basshysynyń tapsyrmasyn oryndaý aiasynda aktivterdi qaitarý jáne keltirilgen zalaldy óteý boiynsha jumysty jalǵastyrýda.
Ony iske asyrýdyń bir tásili zańsyz jolmen alynǵan múlikti sotqa deiin tárkileý bolyp tabylady. Ol halyqaralyq izdestirýge jariialanǵan ne olarǵa qatysty raqymshylyq jasaý aktisiniń saldarynan, eskirý merziminiń ótýine nemese qaitys bolýyna bailanysty qylmystyq qýdalaý toqtatylǵan adamdarǵa qoldanylady.
Sybailas jemqorlyqqa qarsy qyzmet qabyldaǵan sharalardyń nátijesinde 2022 jyldan beri halyqaralyq izdeýde júrgen jáne aqshany zańdastyrýǵa qatysy bar dep kúdikke ilingen tulǵanyń aqshalai qarajaty men múliktik aktivteriniń qylmystyq jolmen alynǵany dáleldendi.
Ol jyljymaly jáne jyljymaityn múliktiń qymbat nysandaryn, onyń ishinde jubaiyna resimdelgen nysandardy satyp alý úshin shamamen 1,5 mlrd teńge zańǵa qaishy aqshany paidalanǵan. Olardyń qataryna Almaty qalasy men Almaty oblysyndaǵy liýks avtomobil, páter, jer ýchaskeleri, turǵyn úiler men qurylystar jatady.
Qarjylyq tergeý qosymsha 1,7 mln AQSh dollaryn (872 mln teńgeden astam) jáne Qazaqstannyń ekinshi deńgeidegi bankterindegi aiyptalýshy men onyń jubaiynyń shottarynda 47 mln teńge anyqtady. Olar qylmys jasaý kezeńinde alynǵan jáne olardyń resmi tabystaryna sáikes kelmeidi.
Aǵymdaǵy jylǵy 16 maýsymdaǵy sot qaýlysymen aqshalai qarajat pen múliktik obektiler memleket kirisine tárkilendi.
Jalpy, jyl basynan beri Sybailas jemqorlyqqa qarsy qyzmet qylmystyq jolmen alynǵan aqshany jáne ózge de múlikti zańdastyrý (jylystatý) faktileri boiynsha otyzǵa jýyq qylmystyq isti tergeýdi bastady. Istiń bir bóligi sotqa jiberilip, aiyptaý úkimi shyǵaryldy.
Zańǵa qaishy tabystar týystarynyń, affiliirlengen kompaniialardyń atynan zańdy operatsiialar retinde búrkemelenetin, qymbat múlikti, kriptovaliýtalardy, baǵaly qaǵazdardy, onyń ishinde investitsiialyq quraldardy qoldana otyryp satyp alýda paidalanylatyn jaǵdailarǵa erekshe nazar aýdarylady.
Mysaly, sportty damytýǵa bólingen biýdjet qarajatynan 745 mln teńgeden astam somany jymqyrý faktisi boiynsha qylmystyq jaýapkershilikke tartylyp jatqan burynǵy laýazymdy adamnyń qarjylyq aǵyndaryna júrgizilgen taldaý nátijesinde, onyń qylmystyq jolmen alynǵan qarajatqa eki qymbat avtokólik satyp alǵany jáne 240 mln teńgedenastam somany joǵary tabys alý maqsatynda ózi baqylaýyndaǵy kompaniianyń shotyna aýdarǵany anyqtaldy.
Taǵy bir jaǵdai, kúdiktiler jeke kásipker bolyp tabylatyn týystary arqyly infraqurylymdyq, qala qurylysy jobalaryn iske asyrýǵa biýdjetten bólingen 237 mln teńgeden astam qarajatty qolma-qol aqshaǵa ainaldyryp, olardan páterler, avtokólikter jáne basqa da múlikter satyp alǵan.
Sottyń sanktsiiasymen múliktik obektilerge tyiym salyndy.
Qylmystyq is júrgizý kodeksiniń 201-babyna sáikes tergeý múddesinde ózge deaqparat jariia etilýge jatpaidy.
