Qazaqstanda azamattarǵa kórsetiletin memlekettik qyzmetterdi barynsha jeńildetý jumystary jalǵasady. Premer-ministr Oljas Bektenov Úkimet otyrysynda memlekettik qyzmetterdiń bir bóligin ótinishsiz ári qosymsha árekettersiz kórsetý formatyna kóshirýdi tapsyrdy, dep habarlaidy dalanews.kz.
Úkimet basshysynyń aitýynsha, búginde azamattar tsifrlyq qyzmetterdiń sanyna emes, olardyń qoljetimdiligi men jyldamdyǵyna kóbirek mán beredi. Sondyqtan memlekettik qyzmetterdi alý kezinde kúrdeli izdeý júrgizý, ótinim toltyrý nemese túrli rásimderden ótý qajettiligin azaitý mańyzdy.
Osyǵan bailanysty Jasandy intellekt ministrligine múddeli memlekettik organdarmen birlesip, biyldyń ózinde jedel kórsetiletin formatqa aýystyrýǵa bolatyn qyzmetterdiń tizbesin ázirleý tapsyryldy.
«Búginde azamattar úshin tsifrlyq qyzmetter sanyn kóbeitip qana qoiý jetkiliksiz. Olar qajetti nátijeni jyldam ári esh kedergisiz alǵysy keledi. Jasandy intellekt ministrligine múddeli memlekettik organdarmen birlesip, biyl birden kórsetiletin formatqa kóshirýge bolatyn qyzmetterdiń tizbesin aiqyndaýdy tapsyramyn. Bul rette kópbalaly analarǵa járdemaqy taǵaiyndaý nemese sottylyǵynyń bar-joǵy týraly anyqtama berý siiaqty qyzmetterdi úlgi etip alýǵa bolady», – dedi Oljas Bektenov.
Jańa tásildiń maqsaty – azamattarǵa qajetti qyzmetti múmkindiginshe avtomatty túrde usyný. Iaǵni memlekettik organdardyń aqparattyq júielerinde bar derekter negizinde nátije ótinish berýshiniń qosymsha qatysýynsyz usynylady.
Sarapshylardyń pikirinshe, mundai format memlekettik qyzmetterdi alý ýaqytyn qysqartyp, biýrokratiialyq kedergilerdi azaitýǵa jáne memlekettik basqarýdyń tiimdiligin arttyrýǵa múmkindik beredi.
