قازاقستاندا ازاماتتارعا كٶرسەتٸلەتٸن مەملەكەتتٸك قىزمەتتەردٸ بارىنشا جەڭٸلدەتۋ جۇمىستارى جالعاسادى. پرەمەر-مينيستر ولجاس بەكتەنوۆ ٷكٸمەت وتىرىسىندا مەملەكەتتٸك قىزمەتتەردٸڭ بٸر بٶلٸگٸن ٶتٸنٸشسٸز ەرٸ قوسىمشا ەرەكەتتەرسٸز كٶرسەتۋ فورماتىنا كٶشٸرۋدٸ تاپسىردى, دەپ حابارلايدى dalanews.kz.
ٷكٸمەت باسشىسىنىڭ ايتۋىنشا, بٷگٸندە ازاماتتار تسيفرلىق قىزمەتتەردٸڭ سانىنا ەمەس, ولاردىڭ قولجەتٸمدٸلٸگٸ مەن جىلدامدىعىنا كٶبٸرەك مەن بەرەدٸ. سوندىقتان مەملەكەتتٸك قىزمەتتەردٸ الۋ كەزٸندە كٷردەلٸ ٸزدەۋ جٷرگٸزۋ, ٶتٸنٸم تولتىرۋ نەمەسە تٷرلٸ رەسٸمدەردەن ٶتۋ قاجەتتٸلٸگٸن ازايتۋ ماڭىزدى.
وسىعان بايلانىستى جاساندى ينتەللەكت مينيسترلٸگٸنە مٷددەلٸ مەملەكەتتٸك ورگاندارمەن بٸرلەسٸپ, بيىلدىڭ ٶزٸندە جەدەل كٶرسەتٸلەتٸن فورماتقا اۋىستىرۋعا بولاتىن قىزمەتتەردٸڭ تٸزبەسٸن ەزٸرلەۋ تاپسىرىلدى.
«بٷگٸندە ازاماتتار ٷشٸن تسيفرلىق قىزمەتتەر سانىن كٶبەيتٸپ قانا قويۋ جەتكٸلٸكسٸز. ولار قاجەتتٸ نەتيجەنٸ جىلدام ەرٸ ەش كەدەرگٸسٸز العىسى كەلەدٸ. جاساندى ينتەللەكت مينيسترلٸگٸنە مٷددەلٸ مەملەكەتتٸك ورگاندارمەن بٸرلەسٸپ, بيىل بٸردەن كٶرسەتٸلەتٸن فورماتقا كٶشٸرۋگە بولاتىن قىزمەتتەردٸڭ تٸزبەسٸن ايقىنداۋدى تاپسىرامىن. بۇل رەتتە كٶپبالالى انالارعا جەردەماقى تاعايىنداۋ نەمەسە سوتتىلىعىنىڭ بار-جوعى تۋرالى انىقتاما بەرۋ سيياقتى قىزمەتتەردٸ ٷلگٸ ەتٸپ الۋعا بولادى», – دەدٸ ولجاس بەكتەنوۆ.
جاڭا تەسٸلدٸڭ ماقساتى – ازاماتتارعا قاجەتتٸ قىزمەتتٸ مٷمكٸندٸگٸنشە اۆتوماتتى تٷردە ۇسىنۋ. ياعني مەملەكەتتٸك ورگانداردىڭ اقپاراتتىق جٷيەلەرٸندە بار دەرەكتەر نەگٸزٸندە نەتيجە ٶتٸنٸش بەرۋشٸنٸڭ قوسىمشا قاتىسۋىنسىز ۇسىنىلادى.
ساراپشىلاردىڭ پٸكٸرٸنشە, مۇنداي فورمات مەملەكەتتٸك قىزمەتتەردٸ الۋ ۋاقىتىن قىسقارتىپ, بيۋروكراتييالىق كەدەرگٸلەردٸ ازايتۋعا جەنە مەملەكەتتٸك باسقارۋدىڭ تيٸمدٸلٸگٸن ارتتىرۋعا مٷمكٸندٸك بەرەدٸ.
