Qazaqstannyń ulttyq it tuqymy – tazy Italiiada ótken halyqaralyq kórmede joǵary nátije kórsetip, álem jáne Italiia chempiondary ataqtaryn jeńip aldy, dep habarlaidy dalanews.kz.
Italiianyń Bolonia qalasynda ótken World Dog Show 2026 kórmesinde qazaqy tazy alǵash ret resmi túrde moiyndalǵan FCI mártebesimen qatysty. Baiqaý qorytyndysynda Qazaqstannan barǵan barlyq itter «óte jaqsy» degen baǵa alǵan.
Qazaqy tazy birden birneshe bedeldi halyqaralyq kórmede baq synap, álem jáne Italiia chempiony ataqtaryn ielendi. Jasóspirimder arasyndaǵy álem chempiondary atanǵandar – Chelsi men Tabiǵat. Al Lashyn men Reia eresekter arasyndaǵy álem chempiony ataǵyna qol jetkizdi.
Sondai-aq Pers pen Chelsidiń jetistigi erekshe atalyp ótti. Olar óz tuqymy boiynsha jeńiske jetip qana qoimai, halyqaralyq deńgeidegi úzdik tazy tuqymdas itterdiń qataryna enip, óz sanattarynda tórtinshi oryn alǵan.
Bul jetistik qazaqy tazynyń halyqaralyq deńgeidegi bedelin arttyryp, ulttyq tuqymnyń álemdik kinologiia sahnasyndaǵy ornyn nyǵaita tústi.
