AQSh, Kanada jáne Meksikada ótken 2026 jylǵy fýtboldan álem chempionaty óz máresine jetti. Finalda Ispaniia quramasy Argentinany qosymsha ýaqytta 1:0 esebimen jeńip, tarihta ekinshi ret álem chempiony atandy, dep habarlaidy dalanews.kz.
Niý-Djerside ótken finaldyń negizgi ýaqytynda esep ashylmady. Qosymsha ýaqyttyń 106-minýtynda alańǵa shyqqan Ferran Torres jeńis golyn soqty.
Finaldy AQSh prezidenti Donald Tramp ta tamashalady. Ol oiynnan keiin FIFA prezidenti Djanni Infantinomen birge marapattaý rásimine qatysyp, fýtbolshylarǵa medal tabystady.
Týrnirdiń úzdik surmergenine beriletin "Altyn býtsydy" Frantsiia quramasynyń shabýylshysy Kilian Mbappe ielendi. Ol álem chempionatynda 10 gol soǵyp, bul júldeni mansabynda ekinshi ret jeńip alǵan alǵashqy fýtbolshy atandy. Mbappe 2022 jylǵy Qatardaǵy mýndialda da úzdik surmergen bolǵan edi.
Álem chempionatynyń úzdik oiynshysy atanǵan Rodrige "Altyn dop" tabystaldy. Ispaniia qaqpashysy Ýnai Simon úzdik qaqpashy júldesin alsa, Paý Kýbarsi týrnirdiń úzdik jas oiynshysy dep tanyldy.
Úshinshi oryn úshin ótken kezdesýde Angliia Frantsiiany 6:4 esebimen jeńdi. Osylaisha, alǵash ret 48 qurama qatysqan jáne jalpy 104 match ótken álem chempionaty Ispaniianyń jeńisimen aiaqtaldy.
