Eldiń de, jerdiń de ataq abyroiyn eńbek adamdary shyǵaratyndyǵy belgili. Naǵyz eńbek adamy eldiń baiandy baǵy.
Eńbeginiń jemisin kórip otyrǵan qalamyzdyń eńbek ozattary da Elbasynyń tapsyrmalary men memlekettik baǵdarlamalaryn iske asyrý maqsatynda tynymsyz jáne tyńǵylyqty jumystar júrgizip, ózindik jaqsy kórsetkishterimen qarsy alýda.
Arys qala ákiminiń orynbasary E.Aqtaev, ziialy qaýym ókilderi sharýalardyń óndirgen ónimderimen tanysyp, jármeńkeni aralap, tutynýshylarmen júzdesti.
Atalǵan jármeńkede aqshańqan kiiz úiler tigilip, aýyl eńbekkerleri óndirgen ónimderden ulttyq taǵamdar ázirlendi.
Jármeńke qalalyq mádeniet úiinde saltanatty jiynǵa ulasty.
Saltanatty shara barysynda shahar basshysynyń orynbasary E.Aqtaev merekege orai turǵyndarǵa izgi tilegin bildirip, Elbasynyń tapsyrmalarymen memlekettik baǵdarlamalardy iske asyrýda, qalamyzdyń jańaryp, gúldenýine, áleýmettik ekonomikalyq damýyna erekshe úles qosqan azamattarǵa, elimizdiń en bailyǵyn tasqyndatýǵa eren eńbektiń úlgisin kórsetken dala eńbekkerlerine «Eńbek dańqy» belgisimen, «Alǵys hat» jáne «Qurmet gramotasymen» marapattap, baǵaly syilyqtar tabys etti.
Aýyl sharýashylyǵy ónimin óndirýde joǵary nátije kórsetkeni úshin «Altyn kúz-2018» jeńimpazy Qojatoǵai aýyldyq okrýg ákimdigine sý jańa «Niva» avtokóliginiń kilti saltanatty túrde tabys etti.
Arys aspanyn ánge bólegen mereke odan ári kontserttik baǵdarlamaǵa ulasyp, qalamyzdyń ánshileri jinalǵan qaýymǵa óner kórsetip, án-biden shashý shashty.
Arys qalasy ákiminiń baspasóz qyzmeti
