Iri kompaniialar Túrkistanǵa bir-bir nysannan salyp beredi
Árbir basshyny ornynan turǵyzyp, jeke-jeke sóilesken Elbasy memleket tarapynan kásipkerlerge únemi qoldaý kórsetilgenin, endi olar da memlekete úles qosaýlary kerektigin aitty. Túrkistan qalasyna qajetti nysandardy tizbelep, tanymal kompaniialarǵa naqty mindet júktedi. Máselen, Elbasy «Bazis-A» kompaniiasynyń basshysy Aleksandr Belovichke «Sizder sporttyq jáne mádeni nysandardy jaqsy salyp júrsizder. Bul jerge teatr kerek. Oǵan qaýqaryńyz jetedi dep esepteimin. Túrkistanǵa ádemi, ámbebap teatr salý qajet» dedi. Kompaniia basshysy tapsyrmany oryndaitynyna ýáde berdi. Al, ENRC basshylarynyń biri, ataqty milliarder Patoh Shodievke Túrkistanda álemdik deńgeidegi Túrki halyqtarynyń mýzeiin salyp berý jóninde tapsyrma mindet júkteldi. Sonymen qatar, "QazMunaiGaz" ulttyq kompaniiasynyń basqarma tóraǵasy Saýat Myńbaevqa halyqaralyq talapqa sai úlken stadion salý jóninde tapsyrma berildi. «Oryndaimyz!» dedi ol. Aidyn Raqymbaev basqaratyn BI Group kompaniiasy Qazaq handary men bileriniń, batyrlarynyń ortalyǵyn ashyp berse, «Haivill Qazaqstan» kompaniiasy turǵyn úi keshenin salýǵa kirisedi. «Qazaqstan temirjoly» ulttyq kompaniiasy jastar saraiyn qolǵa alsa, «KEGOC» Qoja Axmet Iasaýidiń shaǵyn mýzeiin salyp beredi. Sondai-aq «Qazposhta» AQ Túrkistanda zaman talabyna sai pochta bólimshesi men tsifrlyq keńseni qolǵa alsa, «Qazaqtelekom» Smart texnologiialardy engizedi. Kásipker Daniiar Abylǵazin sý sporty keshenin salýǵa ýáde berse, Nurlan Smaǵulov kólik salonyn ashyp beredi. «Qazatomónerkásip» UAK» AQ Túrkistanǵa qarjylai qoldaý kórsetse, túrkiialyq kompaniialar da Túrkistandy damytýǵa úles qosatyn boldy. Osy jiynda kásipkerler men iri kompaniialar Túrkistanǵa aýrýhana, týrizm kolledjin tartý etetinderin jetkizdi. Memleket basshysy árbir nysandy qaǵazǵa muqiiat belgilep, ony salý mindeti kimge tapsyrylǵanyn jazyp alyp otyrdy. Oblys ákimdigi men kompaniialar arasynda kelisimder túzilip, jumysty bastaý kerektigin jetkizdi.
«Shahar turǵyndary sanynyń ósýine jáne týristerdiń kóptep kelýine bailanysty ákimdikke, «Samuryq-Qazyna» ulttyq ál-aýqat qorymen, Investitsiialar jáne damý ministrligimen birlesip, Túrkistan qalasynyń temirjol vokzalyn rekonstrýktsiialaý, onyń ótkizý múmkindigin ulǵaitý, sondai-aq áýejai salý jáne áýe qatynastaryn qamtamasyz etý máselelerin qarastyrýdy tapsyramyn. Túrkistandy zamanaýi tehnologiialardy qoldana otyryp, tól mádenietimizge sai qaita jańǵyrtý kerek. Sosyn Túrkistandy damytý qoryn da qurǵan durys. Kim qoldaý jasaýǵa daiyn, sol aqshany aýdarsyn. «Kóz – qorqaq, qol – batyr» demekshi, osynyń bárin bir-eki jylda bitiretin bolsaq, Túrkistan jainap shyǵa keledi» dedi Nursultan Nazarbaev.
Túrkistan oblysy ákiminiń baspasóz qyzmeti
