Premer-ministr Oljas Bektenov Úkimet otyrysynda iri kásiporyndar ózderiniń ainalasynda shaǵyn jáne orta biznes beldeýin qura otyryp, Elishilik qundylyq baǵdarlamalaryn ázirlep, qabyldaýy qajet ekenin atap ótti, dep habarlaidy Dalanews.kz.
Bektenovtiń sózinshe, tek osy jaǵdaida ǵana biznes memlekettik qoldaýǵa ie bolady.
Elishilik qundylyq baǵdarlamalary otandyq kásiporyndardan tikelei satyp alýdy qamtamasyz etýge baǵyttalǵan. Bul olardy lokalizatsiialaý arqyly jańa óndiristerdi keńeitýge jáne qurýǵa yntalandyrady.
«El ishindegi óndiristik tizbekterdi keńeite otyryp, otandyq kompaniialardyń arasyndaǵy kooperatsiiany damytýǵa jaǵdai jasaý kerek. Kásiporyndardyń ózara tiimdi is-qimylynyń arqasynda ǵana el ishinde tolyqqandy óndiristik tsikl qurýǵa bolady. Nátijesinde, import pen óndiristik shyǵyn kólemi azaiyp, otandyq taýarlardyń básekege qabilettiligi men olarǵa degen suranys artady. Elishilik qundylyqty damytý degenimiz jańa óndiristerdi qurý ǵana emes, bul jańa tehnologiialar transferti, ǵylymdy damytý, jańa jumys oryndary men jańa quzyretterdi qalyptastyrý degendi bildiredi.
Mundai tásil elimizdiń eksporttyq áleýetine oń áserin tigizip, ekonomikany ártaraptandyrýdy, halyqty jumyspen qamtý men ál-aýqatynyń ósýin qamtamasyz etedi», - dep atap ótti Oljas Bektenov.
