پرەمەر-مينيستر ولجاس بەكتەنوۆ ۇكىمەت وتىرىسىندا ءىرى كاسىپورىندار وزدەرىنىڭ اينالاسىندا شاعىن جانە ورتا بيزنەس بەلدەۋىن قۇرا وتىرىپ، ەلىشىلىك قۇندىلىق باعدارلامالارىن ازىرلەپ، قابىلداۋى قاجەت ەكەنىن اتاپ ءوتتى، دەپ حابارلايدى Dalanews.kz.
بەكتەنوۆتىڭ سوزىنشە، تەك وسى جاعدايدا عانا بيزنەس مەملەكەتتىك قولداۋعا يە بولادى.
ەلىشىلىك قۇندىلىق باعدارلامالارى وتاندىق كاسىپورىنداردان تىكەلەي ساتىپ الۋدى قامتاماسىز ەتۋگە باعىتتالعان. بۇل ولاردى لوكاليزاسيالاۋ ارقىلى جاڭا وندىرىستەردى كەڭەيتۋگە جانە قۇرۋعا ىنتالاندىرادى.
«ەل ىشىندەگى وندىرىستىك تىزبەكتەردى كەڭەيتە وتىرىپ، وتاندىق كومپانيالاردىڭ اراسىنداعى كووپەراسيانى دامىتۋعا جاعداي جاساۋ كەرەك. كاسىپورىنداردىڭ ءوزارا ءتيىمدى ءىس-قيمىلىنىڭ ارقاسىندا عانا ەل ىشىندە تولىققاندى وندىرىستىك سيكل قۇرۋعا بولادى. ناتيجەسىندە، يمپورت پەن وندىرىستىك شىعىن كولەمى ازايىپ، وتاندىق تاۋارلاردىڭ باسەكەگە قابىلەتتىلىگى مەن ولارعا دەگەن سۇرانىس ارتادى. ەلىشىلىك قۇندىلىقتى دامىتۋ دەگەنىمىز جاڭا وندىرىستەردى قۇرۋ عانا ەمەس، بۇل جاڭا تەحنولوگيالار ترانسفەرتى، عىلىمدى دامىتۋ، جاڭا جۇمىس ورىندارى مەن جاڭا قۇزىرەتتەردى قالىپتاستىرۋ دەگەندى بىلدىرەدى.
مۇنداي ءتاسىل ەلىمىزدىڭ ەكسپورتتىق الەۋەتىنە وڭ اسەرىن تيگىزىپ، ەكونوميكانى ءارتاراپتاندىرۋدى، حالىقتى جۇمىسپەن قامتۋ مەن ءال-اۋقاتىنىڭ ءوسۋىن قامتاماسىز ەتەدى»، - دەپ اتاپ ءوتتى ولجاس بەكتەنوۆ.
