Qazaqstan Respýblikasy Ishki ister ministrligi “Dármek” respýblikalyq jedel-aldyn alý sharasynyń nátijelerin jariialady, dep habarlaidy Dalanews.kz.
Tekseris qorytyndysy boiynsha 248 adam ákimshilik jaýapkershilikke tartyldy, olardyń 116-sy – meditsina qyzmetkerleri. Budan bólek, esirtki zattarynyń zańsyz ainalymynabailanysty segiz qylmystyq is qozǵaldy.
Jalpy alǵanda, 35 myń tonna prekýrsordyń, 20 myń tabletka men 24 myń ampýlanyńainalymyna shekteý qoiyldy.
Mysaly, Jambyl oblysynda prekýrsorlardy saqtaý talaptarynyń buzylǵany anyqtaldy. Belgili bir uiymnan 34 myń tonnadan astam kúkirt qyshqyly tárkilenip, ákimshilik hattama toltyryldy. Nátijesinde kompaniianyń qyzmeti ýaqytsha toqtatyldy.
Aqtóbe oblysynda meditsinalyq mekemede esirtki quraldaryn esepke alý jáne saqtaý talaptarynyń buzylǵany belgili boldy. Osyǵan bailanysty farmatsevtke qatysty qylmystyq is qozǵaldy.
IIM eskertedi: esirtki men prekýrsorlardyń ainalymyna qatysty zań talaptaryn saqtamaǵany úshin ákimshilik jáne qylmystyq jaýapkershilik qarastyrylǵan. Bul týraly IIM Esirtki qylmysyna qarsy is-qimyl komiteti tóraǵasynyń orynbasary Qýandyq Áljanov málimdedi.
