قازاقستان رەسپۋبليكاسى ىشكى ىستەر مينيسترلىگى “دارمەك” رەسپۋبليكالىق جەدەل-الدىن الۋ شاراسىنىڭ ناتيجەلەرىن جاريالادى، دەپ حابارلايدى Dalanews.kz.
تەكسەرىس قورىتىندىسى بويىنشا 248 ادام اكىمشىلىك جاۋاپكەرشىلىككە تارتىلدى، ولاردىڭ 116-سى – مەديسينا قىزمەتكەرلەرى. بۇدان بولەك، ەسىرتكى زاتتارىنىڭ زاڭسىز اينالىمىنابايلانىستى سەگىز قىلمىستىق ءىس قوزعالدى.
جالپى العاندا، 35 مىڭ توننا پرەكۋرسوردىڭ، 20 مىڭ تابلەتكا مەن 24 مىڭ امپۋلانىڭاينالىمىنا شەكتەۋ قويىلدى.
مىسالى، جامبىل وبلىسىندا پرەكۋرسورلاردى ساقتاۋ تالاپتارىنىڭ بۇزىلعانى انىقتالدى. بەلگىلى ءبىر ۇيىمنان 34 مىڭ توننادان استام كۇكىرت قىشقىلى تاركىلەنىپ، اكىمشىلىك حاتتاما تولتىرىلدى. ناتيجەسىندە كومپانيانىڭ قىزمەتى ۋاقىتشا توقتاتىلدى.
اقتوبە وبلىسىندا مەديسينالىق مەكەمەدە ەسىرتكى قۇرالدارىن ەسەپكە الۋ جانە ساقتاۋ تالاپتارىنىڭ بۇزىلعانى بەلگىلى بولدى. وسىعان بايلانىستى فارماسيەۆتكە قاتىستى قىلمىستىق ءىس قوزعالدى.
ءىىم ەسكەرتەدى: ەسىرتكى مەن پرەكۋرسورلاردىڭ اينالىمىنا قاتىستى زاڭ تالاپتارىن ساقتاماعانى ءۇشىن اكىمشىلىك جانە قىلمىستىق جاۋاپكەرشىلىك قاراستىرىلعان. بۇل تۋرالى ءىىم ەسىرتكى قىلمىسىنا قارسى ءىس-قيمىل كوميتەتى ءتوراعاسىنىڭ ورىنباسارى قۋاندىق ءالجانوۆ مالىمدەدى.
