Iran biligi Kaspii teńizinde irandyq kemege jasalǵan shabýylǵa bailanysty Ýkrainany jaýapqa tartý úshin barlyq qajetti sharany qabyldaitynyn málimdedi, dep habarlaidy dalanews.kz.
Bul týraly Irannyń Syrtqy ister ministrligine silteme jasaǵan Tasnim agenttigi habarlady.
Tegerannyń málimdeýinshe, Ýkraina SIM shabýyldyń qasaqana jasalmaǵanyn aitqanymen, Iran tarapy soqqynyń ádeii uiymdastyrylǵanyn dáleldeitin aiǵaqtarǵa ie. Ministrlik Ýkraina prezidentiniń málimdemesin de osynyń dáleli retinde keltirip otyr.
Iran Syrtqy ister ministrligi daiyndalyp jatqan sharalardyń maqsaty – Ýkrainany jaýapkershilikke tartýmen qatar, bolashaqta mundai oqiǵalardyń qaitalanýyna jol bermeý ekenin atap ótti.
«Ýkrainanyń resmi ókilderi syrtqy ister ministrimen bailanys barysynda jáne óz habarlamalarynda bul árekettiń qasaqana jasalmaǵanyn aitty. Alaida naqty dálelder, onyń ishinde Ýkraina prezidentiniń tikelei málimdemesi shabýyldyń ádeii jasalǵanyn kórsetedi. Biz olardyń túsindirmesin tyńdadyq jáne is júzinde qandai qadam jasaitynyn kútip otyrmyz. Óz kezegimizde Ýkrainany jaýapkershilikke tartý jáne mundai qylmystyń qaitalanbaýyn qamtamasyz etý úshin barlyq qajetti sharany qabyldaimyz», – delingen Iran SIM málimdemesinde.
