Irannyń Islam revoliýtsiiasy saqshylar korpýsy (KSIR) AQSh-tyń Iordaniia men Bahreindegi áskeri nysandaryna zymyrandar men ushqyshsyz ushý apparattary arqyly soqqy jasalǵanyn málimdedi, dep habarlaidy dalanews.kz.
KSIR málimetinshe, Iordaniiadaǵy hanzada Hasan atyndaǵy áýe bazasyna jasalǵan shabýyl saldarynan birneshe iri zymyran qoimasy men janarmai rezervýarlary órtengen.
Sondai-aq KSIR Bahreindegi Sheih-Isa áskeri bazasynda AQSh kúshteriniń tikushaqtarǵa tehnikalyq qyzmet kórsetý jáne jóndeý ortalyqtary, radioelektrondyq kúreske arnalǵan P-8 ushaǵy ornalasqan angar, sondai-aq amerikalyq áskeri operatsiialardy basqarý jáne baqylaý ortalyǵy joiylǵanyn málimdedi.
Al AQSh-tyń Ortalyq qolbasshylyǵy (CENTCOM) Iran aýmaǵyna jasalǵan jańa soqqylar leginiń aiaqtalǵanyn habarlady. Qolbasshylyqtyń málimetinshe, Irannyń birneshe óńirinde ondaǵan nysanaǵa soqqy berilgen.
CENTCOM málimdeýinshe, shabýyl barysynda Irannyń áýe shabýylyna qarsy qorǵanys júieleri, jaǵalaýdaǵy radiolokatsiialyq stantsiialar, ushqyshsyz ushý apparattary jáne shaǵyn teńiz kemeleri nysanaǵa alynǵan. Operatsiia kezinde amerikalyq joiǵysh ushaqtar, áskeri-teńiz kúshteriniń kemeleri, kamikadze-drondar jáne alǵash ret teńizdegi kamikadze-drondar qoldanylǵan.
Sonymen qatar AQSh-tyń Ortalyq qolbasshylyǵy Irannyń qazirgi ýaqytta Ormýz buǵazyn baqylamaitynyn taǵy da málimdedi.
Eske salaiyq, buǵan deiin AQSh Iran aýmaǵyna jańa soqqylar seriiasyn bastaǵan bolatyn. Aq úidiń málimetinshe, prezident Donald Tramp bul operatsiiany «Iran kúshterin jaýapkershilikke tartý» maqsatynda júrgizýdi tapsyrǵan.
