Elorda turǵyny materialdyq paida jáne zańsyz jolmen baiý maqsatynda "Bingo" oiynyn oinatyp, Instagram áleýmettik jelisinde tikelei efir júrgizgen, dep habarlaidy Dalanews.kz.
Astana qalalyq prokýratýrasy baspasóz qyzmetiniń habarlaýynsha, oiyn sharttaryna sáikes, tikelei efirde bás tigý somalary ártúrli aqshalai qarajatty qurap, qatysýshylardyń arasynan jeńimpazdy anyqtap, oǵan utysty telefon nomeri arqyly joldaǵan.
"Ol qylmystyq árekettiń nátijesinde 90,6 mln teńge tabys tapqan.Memlekettik aiyptaýshy sottalýshynyń kinási týraly sotqa jetkilikti dáleldemeler usyndy.Sot úkimimen oǵan 4 jyl merzimge bas bostandyǵynan aiyrý jazasy taǵaiyndaldy", delingen vedomstvo habarlamasynda.
Úkim zańdy kúshine endi.
