ەلوردا تۇرعىنى ماتەريالدىق پايدا جانە زاڭسىز جولمەن بايۋ ماقساتىندا "بينگو" ويىنىن ويناتىپ، Instagram الەۋمەتتىك جەلىسىندە تىكەلەي ەفير جۇرگىزگەن، دەپ حابارلايدى Dalanews.kz.
استانا قالالىق پروكۋراتۋراسى باسپا ءسوز قىزمەتىنىڭ حابارلاۋىنشا، ويىن شارتتارىنا سايكەس، تىكەلەي ەفيردە ءباس تىگۋ سومالارى ءارتۇرلى اقشالاي قاراجاتتى قۇراپ، قاتىسۋشىلاردىڭ اراسىنان جەڭىمپازدى انىقتاپ، وعان ۇتىستى تەلەفون نومەرى ارقىلى جولداعان.
"ول قىلمىستىق ارەكەتتىڭ ناتيجەسىندە 90،6 ملن تەڭگە تابىس تاپقان.مەملەكەتتىك ايىپتاۋشى سوتتالۋشىنىڭ كىناسى تۋرالى سوتقا جەتكىلىكتى دالەلدەمەلەر ۇسىندى.سوت ۇكىمىمەن وعان 4 جىل مەرزىمگە باس بوستاندىعىنان ايىرۋ جازاسى تاعايىندالدى"، دەلىنگەن ۆەدومستۆو حابارلاماسىندا.
ۇكىم زاڭدى كۇشىنە ەندى.
