1 shildedegi málimetke sáikes, Biryńǵai jinaqtaýshy zeinetaqy qorynyń (BJZQ) zeinetaqy aktivteriniń kiristiligi 4,21%-dy qurady. Al jyl basynan bergi infliatsiia 5,1%-ǵa jetken, dep habarlaidy dalanews.kz.
Informburo.kz málimetinshe, sonyń saldarynan zeinetaqy jinaqtarynyń naqty kiristiligi teris kórsetkishte qalyp, minýs 0,89%-dy qurady.
2026 jyldyń alǵashqy jartyjyldyǵynda BJZQ-nyń investitsiialyq tabysy 1,1 trln teńgege jetti. Qordyń málimetinshe, nátijege valiýtalyq aktivterdiń qaita baǵalanýy áser etken. Maýsym aiynda teńge AQSh dollaryna qatysty 1,3%-ǵa nyǵaiǵandyqtan, sheteldik investitsiialardyń teńgemen eseptelgen quny tómendegen.
Sonymen qatar BJZQ qysqa merzimdegi kiristilik kórsetkishi zeinetaqy aktivterin basqarýdyń tiimdiligin tolyq kórsete bermeitinin atap ótti. Sebebi oǵan valiýta baǵamynyń qubylýy men baǵaly qaǵazdardyń naryqtaǵy baǵasynyń ózgerýi edáýir yqpal etedi.
Al keiingi 12 aidyń qorytyndysy boiynsha zeinetaqy aktivteriniń kiristiligi 10,29%-dy quraǵan. Osy kezeńde salymshylardyń shottaryna eseptelgen investitsiialyq tabys kólemi shamamen 2,51 trln teńgege jetken.
