1 شٸلدەدەگٸ مەلٸمەتكە سەيكەس, بٸرىڭعاي جيناقتاۋشى زەينەتاقى قورىنىڭ (بجزق) زەينەتاقى اكتيۆتەرٸنٸڭ كٸرٸستٸلٸگٸ 4,21%-دى قۇرادى. ال جىل باسىنان بەرگٸ ينفلياتسييا 5,1%-عا جەتكەن, دەپ حابارلايدى dalanews.kz.
Informburo.kz مەلٸمەتٸنشە, سونىڭ سالدارىنان زەينەتاقى جيناقتارىنىڭ ناقتى كٸرٸستٸلٸگٸ تەرٸس كٶرسەتكٸشتە قالىپ, مينۋس 0,89%-دى قۇرادى.
2026 جىلدىڭ العاشقى جارتىجىلدىعىندا بجزق-نىڭ ينۆەستيتسييالىق تابىسى 1,1 ترلن تەڭگەگە جەتتٸ. قوردىڭ مەلٸمەتٸنشە, نەتيجەگە ۆاليۋتالىق اكتيۆتەردٸڭ قايتا باعالانۋى ەسەر ەتكەن. ماۋسىم ايىندا تەڭگە اقش دوللارىنا قاتىستى 1,3%-عا نىعايعاندىقتان, شەتەلدٸك ينۆەستيتسييالاردىڭ تەڭگەمەن ەسەپتەلگەن قۇنى تٶمەندەگەن.
سونىمەن قاتار بجزق قىسقا مەرزٸمدەگٸ كٸرٸستٸلٸك كٶرسەتكٸشٸ زەينەتاقى اكتيۆتەرٸن باسقارۋدىڭ تيٸمدٸلٸگٸن تولىق كٶرسەتە بەرمەيتٸنٸن اتاپ ٶتتٸ. سەبەبٸ وعان ۆاليۋتا باعامىنىڭ قۇبىلۋى مەن باعالى قاعازداردىڭ نارىقتاعى باعاسىنىڭ ٶزگەرۋٸ ەدەۋٸر ىقپال ەتەدٸ.
ال كەيٸنگٸ 12 ايدىڭ قورىتىندىسى بويىنشا زەينەتاقى اكتيۆتەرٸنٸڭ كٸرٸستٸلٸگٸ 10,29%-دى قۇراعان. وسى كەزەڭدە سالىمشىلاردىڭ شوتتارىنا ەسەپتەلگەن ينۆەستيتسييالىق تابىس كٶلەمٸ شامامەن 2,51 ترلن تەڭگەگە جەتكەن.
