Amerikalyq kásipker, SpaceX kompaniiasynyń negizin qalaýshy Ilon Masktyń aitýynsha, adamdardyń Marsqa alǵash ret qonýy aldaǵy 5–7 jyl ishinde júzege asýy múmkin, dep habarlaidy dalanews.kz.
Ol bul pikirin NASA basshysy Djared Aizekmannyń málimdemesine jaýap retinde bildirdi. Buǵan deiin Aizekman Marsqa tórt adamnan turatyn ekipajdy jetkizý úshin áli shamamen 10–15 jyl qajet bolýy múmkin ekenin aitqan.
Alaida Mask bul merzimmen kelispeitinin jetkizdi.
«Adamdar Marsqa shamamen 5–7 jylda barady. Al Marsqa qonatyn apparat birneshe jyl buryn daiyn bolady», – dep jazdy ol.
Aita keteiik, Ilon Mask buǵan deiin de adamzatty kópplanetaly órkenietke ainaldyrýdy óziniń basty maqsattarynyń biri ekenin birneshe ret málimdegen. Onyń SpaceX kompaniiasy dál osy maqsatta Starship ǵarysh kemesin ázirlep jatyr.
