Áleýmettik jelilerde «Ile-Balqash» memlekettik tabiǵi rezervatynyń aýmaǵynda tabiǵatqa jiberilgen jolbarys túsirildi degen aqparatpen fotosýret taralyp jatyr, dep habarlaidy dalanews.kz.
Ekologiia jáne tabiǵi resýrstar ministrliginiń málimetinshe, bul aqparat shyndyqqa sáikes kelmeidi. Jariialanǵan sýrette jasandy intellekt (AI) arqyly jasalǵan bolýy múmkin belgiler baiqalady.
Tabiǵatqa jiberilgen jolbarys analyǵy spýtniktik GPS-oshaqpen jabdyqtalǵan. «Ile-Balqash» memlekettik tabiǵi rezervatynyń mamandary onyń ornalasqan jeri men jaǵdaiyn táýlik boiy úzdiksiz baqylaýda ustaidy. Sondyqtan janýardyń «kezdeisoq túsirilgeni» týraly aqparat shyndyqqa janaspaidy.
Azamattar men BAQ ókilderin tekserilmegen aqparatty taratpaýǵa jáne tek resmi aqparat kózderine ǵana senýge shaqyramyz. Eske salamyz: kórineý jalǵan aqparatty, sondai-aq shyndyqqa sáikes kelmeitin foto jáne beinematerialdardy taratý Qazaqstan Respýblikasynyń zańnamasyna sáikes jaýapkershilikke ákep soǵýy múmkin, deidi ministrlik ókilderi.
Aita keteiik, jaqynda Qazaqstanǵa Reseiden jetkizilgen Amýr jolbarystarynyń biri jabaiy tabiǵatqa jiberilgen bolatyn.
