QR Prezıdenti Ákimshiliginiń jáne İle aýdany máslıhaty depýtattarynyń kelisimi boıynsha, Almaty oblysy ákiminiń ókimimen Qaıyrjan Serikbaıuly Jaqsymbetov İle aýdanynyń ákimi bolyp taǵaıyndaldy, – dep habarlaıdy Dalanews.kz Almaty oblysy ákiminiń baspasóz qyzmetine silteme jasap.

Qaıyrjan Serikbaıuly 1975 jyly Jambyl oblysy, Moıynqum aýdanynda dúnıege kelgen. 1997 jyly Qazaq memlekettik sáýlet-qurylys akademıasyn «ónerkásiptik jáne azamattyq qurylys» mamandyǵy boıynsha, al 2004 jyly Qazaq ulttyq agrarlyq ýnıversıtetin «zańger» mamandyǵy boıynsha támamdaǵan.

Eńbek jolyn Jambyl oblysynda «Jambylagropromstroı» AQ qurylys ýchaskesiniń brıgadıri qyzmetinen bastaǵan.

Ár jyldary túrli jaýapty laýazymdarda jumys istedi:

Jambyl oblysy, Taraz qalasyndaǵy «Saryarqa» aýyl sharýashylyǵy kásipornynyń vıse-prezıdenti,

Almaty qalasynyń Memlekettik sáýlet-qurylys baqylaý basqarmasynda ǵımarattardy rekonstrýksıalaýdy jáne qaıta josparlaýdy baqylaý bólimderiniń bas mamany men basshysy,

Almaty qalasy boıynsha Memlekettik sáýlet-qurylys baqylaý jáne lısenzıalaý departamenti dırektorynyń orynbasary,

Almaty qalasy boıynsha Memlekettik sáýlet-qurylys baqylaý departamentiniń bastyǵy,

Almaty qalasy Alataý aýdany ákiminiń orynbasary,

Balqash-Alakól baseındik ınspeksıasy basshysynyń orynbasary,

Almaty oblysy Memlekettik sáýlet-qurylys baqylaý basqarmasynyń basshysy.