Ile aýdanyndaǵy aýylda «Open space» formatynda jumys istei bastady
Nysannyń ashylý saltanatynda sóilegen Ile aýdanynyń ákimi Baǵdat Qarasaev Energetika aýyldyq okrýgindegi úsh aýylda 40 myńnan astam adam turatynyn aitty.
– Birinshi kezekte aýdan turǵyndaryn Tuńǵysh Prezident kúnimen jáne Táýelsizdiktiń 30 jyldyǵymen quttyqtaimyn. Búgin taǵy bir aýyldyq okrýg «Open space» formatynda jumys istei bastady Bul - halyqtyń ál-aýqatyn kóterýge baǵyttalǵan mańyzdy shara. Mysaly, ótken jyly servistik ákimdikter arqyly aýdan turǵyndaryna 75 myńdai memlekettik qyzmet kórsetilgen, bul rette onyń 83,6%-i elektrondy túrde kórsetilgen. Qazirgi kezde aýdandyq bólimderde, aýyldyq okrýgterde, mektepterde, balabaqshalarda, meditsinalyq nysandarda óz-ózine qyzmet kórsetetin 93 burysh uiymdastyrylǵan. Biylǵy jyldyń 9 aiynda aýdan turǵyndary 21 750 memlekettik qyzmet aldy. Aldymyzda barlyq aýyldyq okrýg ákimdikterin «Open space» formatyna sáikes jabdyqtaý mindeti tur. Osyndai formatqa Baiserke aýyldyq okrýgi ákiminiń apparaty da kóshti. Kelesi jyly Ashybulaq, Kúrti aýyldyq okrýgteri ákimderiniń apparattary kóshedi. Bul qyzmet kórsetý sapasyn arttyrýǵa, keri bailanysty jandandyra túsýge, kedergisiz orta qalyptastyrýǵa, halyqtyń jergilikti atqarýshy organdarǵa degen senimin nyǵaitýǵa yqpal etedi dep oilaimyn, – dedi B.Qarasaev.
Ile aýdandyq ákimdiginiń habarlaýynsha, nysannyń jańa formattaǵy jumysy úshin Energetika aýyldyq okrýgi ákimi apparatynyń ǵimaratyna jóndeý júrgizildi. Osy formatta jumys isteitin basqa da ákimdikter siiaqty bul nysan da «bir tereze» printsipin basshylyqqa alady. Munda memlekettik qyzmet kórestý reestrine sáikes memlekettik qyzmettiń 4 túri kórsetiledi. Atap aitqanda alys aýyldarda turatyn balalardy bilim mekemelerine jáne keri qarai úige tegin tasymaldaý; jer ýchaskesiniń nysanaly maqsatyn ózgertýge sheshim shyǵaryp berý; eldi meken sheginde qurylys nysanyna jer ýchaskesin bólý; turǵyn úi salýǵa jer ýchaskesin alýǵa kezekke qoiý qyzmetteri bar. Sol siiaqty óz-ózine qyzmet kórsetý buryshy jasaqtalyp, onda múmkindigi shekteýli jandarǵa jaǵdai jasalǵan. Shaqyrý batyrmasy, pandýs, Brail shriftimen jazylǵan mańdaisha jazýlar qoiylǵan.
Atap ótsek, búgingi kúni Almaty oblysynda 20 servistik ákimdik, 22 ákimdik «Open space» formatynda jumys isteidi.
