Kezdesý barysynda úmitkerler «Nur Otan» partıasynyń saılaýaldy baǵadarlamasynyń negizgi baǵyttary, maqsaty men mindetterine toqtalyp, azamattardyń ál-aýqatyn jaqsartyp, turmys deńgeıin kóterý úshin aýdan, oblys, respýblıka boıynsha naqty atqarylatyn is-sharalar jaıly túsindirdi. «Nur Otan» partıasy otbasy ınstıtýtyn nyǵaıtý, olardyń materıaldyq turaqtylyǵyn qamtamasyz etý, turǵyn úı alýǵa múmkindikter jasaý boıynsha sharalar keshenin qoldaný qajet dep sanaıdy.
Búginde İle aýdanynda aýdanda 52 myńǵa jýyq otbasy turady, onyń ishinde 5,4 myń kóp balaly otbasy. Halyqpen kezdesýde «Nur Otan» partıasy boıynsha úmitker-kandıdattar aýdanda memlekettik turǵyn úı baǵdarlamalary tıimdi júzege asyrylyp jatqanyn aıtty.
– Halyqty baspanamen qamtý «Nur Otan» partıasynyń basym baǵyttarynyń biri. Sondyqtan bizder bul baǵatta jumys istep, aýdan halyqynyń baspanaly bolýyna bar kúshimizdi jumsaımyz. Ras, İle aýdanynda turǵyn úı alý kezeginde turǵan halyqtyń sany kóp. Qazirgi tańda baspanaly alý úshin kezekte turǵan halyqtyń sany 4292 adamdy quraıdy. Bul másele aldaǵy 2025 jylǵa deıin sheshýdi kózdep otyrmyz. Bul baǵytta bizdiń partıamyz jergilikti bılik oryndarymen birlesip jumys isteıtin bolady, – dep S.Jarqynbekov turǵyn úı máselesine qatysty oıyn ortaǵa saldy.
İle aýdanyndaǵy turǵyn úı jaǵdaılaryn jaqsartý úshin «Nur Otan» partıasy 2025 jylǵa deıin Ótegen batyr aýylynda 72 páterli 11 úıdiń (74,8 myń sharshy metr) jáne úsh 60 páterli turǵyn úıdiń (12,8 myń sharshy metr) qurylysyn júrgizý máselesin baqylaýǵa almaqshy. Osylaıshy «Nur Otan» partıasy aýdandaǵy turǵyn úı máselesin oń baǵytta sheshýge óz úlesin qospaqshy. Budan úmitker-kandıdattar halyqtyń qarajaty esebinen aýdannyń barlyq aýylynda 1 myńǵa jýyq jeke menshik úıler salynanytyn da (658,6 myń sharshy metr) halyqqa jetkizdi.
Jedel túrde qolǵa alynatyn bul sharalar aldaǵy ýaqytta kezekte turǵan 1000-ǵa jýyq otbasyn nemese 3755 adamdy baspanamen qamtamasyz etýge múmkindik beredi.
Baǵdarlamany túsindirip, suraqtarǵa jaýap berip, úmitkerler - Sultan Danashuly, Aıdar Raqymjanuly aýyl turǵyndaryn 10 qańtar kúni eldiń jarqyn bolashaǵy úshin durys sheshim qabyldap, «Nur Otan» partıasyna daýys berýge shaqyrdy.
(Materıal aqysy İle aýdandy «Nur Otan» partıasynyń saılaýaldy shtabynyń qorynan tólendi)
