Sybaılas jemqorlyqqa qarsy is-qımyl agenttiginiń resmı ókili Danıar Bekaıdarov İle aýdanynyń ákimi Baǵdat Qarasaevtyń isi jóninde tolyǵyraq aqparatty jarıalady. Tergeýge ilingen ákim aımaqqa 204 mln teńgege zalal keltirip, basqa da laýazymdy tulǵalardy qylmystyq shemaǵa tartty degen kúdikke ilingen, - dep habarlaıdy Dalanews.kz Ulysmedia.kz-ke siltep.
Baǵdat Qarasaev ózine affılıırlengen kompanıasyna qatty turmystyq qaldyqtar polıgonyn senimgerlik basqarý quqyǵyn berý arqyly órt qaýipsizdigi talaptaryn buza otyryp, sanıtarlyq-epıdemıalyq baqylaý organdarynyń ruqsatynsyz laýazymdyq ókilettikterin teris paıdalandy degen kúdikke ilingen.
Sonymen qatar, ol polıgondy senimgerlik basqarý merzimin zańsyz uzartý arqyly óziniń laýazymdyq ókilettigin asyra paıdalandy degen kúdik boıynsha tergelip jatyr.
Bekaıdarovtyń aıtýynsha, qylmystyq shemaǵa Qarasaev aýdandyq qarjy jáne turǵyn úı-kommýnaldyq sharýashylyq bólimderiniń basshylaryn tartqan.
Kompanıanyń turmystyq qatty qaldyqtardy kádege jaratý boıynsha shartta kózdelgen mindettemeleri oryndalmaǵan.
– Onyń qyzmetinen túsken tabys ony jeke baıytýǵa baǵyttalǵan, – dedi Antıkor ókili.
Quqyqqa qarsy is-qımyldar saldarynan Almaty oblysynyń ekologıasyna 204 mln teńge kóleminde zalal keltirilgen. Sottyń sanksıasymen kúdikti qamaýǵa alynyp, sotqa deıingi tergeý jalǵasýyp jatyr.
Eske sala keteıik, 4 qyrkúıek kúni Almaty oblysy İle aýdanynyń ákimi Baǵdat Qarasaevtyń laýazymdyq ókilettikterin asyra paıdalanǵany jáne bılikti nemese laýazymdyq ókilettikterdi asyra paıdalanǵany úshin Antıkordy ustaǵany belgili bolǵan edi.
4 qyrkúıekte Almaty oblysynyń prokýratýrasynda Almaty oblysynyń İle aýdanynyń ákimi Baǵdat Qarasaev qoqys polıgonyn teksergennen keıin ustalǵany aıtyldy.
