Ishki ister ministrligi oqýshylar men stýdentterge úndeý jasady, dep habarlaidy dalanews.kz.
"Qurmetti oqýshylar men stýdentter! Jazǵy demalys qarsańynda Ishki ister ministrligi qaýipsizdik sharalaryna erekshe nazar aýdarady. Sanaýly kúnderden soń kópten kútken kanikýl bastalady. Bul - tynyǵý men sergýge, jańa áser alýǵa taptyrmas ýaqyt. Alaida bir mańyzdy másele bar bar. Dál osy kezeńde internette jáne áleýmettik jelilerde tez ári ońai tabys tabýǵa baǵyttalǵan "tartymdy" usynystar jii kezdesedi", - deidi IIM esirtki qylmysyna qarsy is-qimyl komiteti tóraǵasynyń orynbasary Qýandyq Áljanov.
Biraq olardyń artynda esirtki tasymaldaý, taratý, sondai-aq nasihattaý men jarnamalaý siiaqty zańsyz áreketter jasyrynýy múmkin.
"Bul jai ǵana qaýip emes, bul qylmys. Ishki ister ministrligi eskertedi: esirtkige qatysty qylmystar úshin qylmystyq jaýapkershilik 16 jastan bastalady. Eń qatań jaza ómir boiyna bas bostandyǵynan aiyrýǵa deiin. Bir ǵana "jeńil tabys" búkil ómirińizge balta shabýy múmkin. Eger sizge kúmándi jumys usynylsa, birden bas tartyńyz. Jyldam tabys illiýziiasy úshin basyńyzdy qaterge tikpeńiz. Sanaly tańdaý jasaǵanyńyz abzal. Erkindik aqshadan qymbat. Al bolashaq ýaqytsha paidadan mańyzdy", - dedi Áljanov.
