Qazaqstan Respýblikasynyń Ishki ister ministrligi Almatynyń burynǵy ákimi Baqytjan Saǵyntaevtyń eks-kúieý balasy, kásipker Baqyt Ibragimniń ólimine qatysty sotqa deiingi tergeýdi bastady. Is “ózin-ózi óltirýge itermeleý” baby boiynsha qozǵaldy, dep habarlaidy Dalanews.kz.
Bul týraly Májilis alańynda Ishki ister ministrliginiń basshysy Erjan Sádenov aitty.
“Bul oqiǵa rasymen Almatyda boldy. Osy faktini negizge ala otyryp, biz Qylmystyq kodekstiń 105-babyna sáikes “ózin-ózi óltirýge itermeleý” baby boiynsha qylmystyq is qozǵadyq. Qazir tergeý júrip jatyr”, - dedi Sádenov.
Eske salaiyq, 14 naýryzda bankir Baqyt Ibragim óz-ózine qol jumsaǵan bolatyn. Buǵan deiin ol Qazaq banki iri bankin basqaryp, tipti onyń aktsioneri bolǵan. Oqiǵa oryn alǵan kúni Almaty politsiia departamenti qaiǵyly jaitty rastaǵan edi. Sonymen qatar sýitsid bolǵanyn málimdedi.
"Osy derek boiynsha "Ózin-ózi óltirýge itermeleý" baby boiynsha qylmystyq is qozǵaldy. Saraptama taǵaiyndaldy. Mán-jaiy anyqtalyp jatyr", - dedi politsiia.
2020 jyly Baqyt Ibragim Jomart Ertaevpen birge RBK Bank-te "qarjy jymqyrdy" dep sottalyp, byltyr kúzde bosap shyqqany kópshilikke málim.
