قازاقستان رەسپۋبليكاسىنىڭ ٸشكٸ ٸستەر مينيسترلٸگٸ الماتىنىڭ بۇرىنعى ەكٸمٸ باقىتجان ساعىنتاەۆتىڭ ەكس-كٷيەۋ بالاسى, كەسٸپكەر باقىت يبراگيمنٸڭ ٶلٸمٸنە قاتىستى سوتقا دەيٸنگٸ تەرگەۋدٸ باستادى. ٸس “ٶزٸن-ٶزٸ ٶلتٸرۋگە يتەرمەلەۋ” بابى بويىنشا قوزعالدى, دەپ حابارلايدى Dalanews.kz.
بۇل تۋرالى مەجٸلٸس الاڭىندا ٸشكٸ ٸستەر مينيسترلٸگٸنٸڭ باسشىسى ەرجان سەدەنوۆ ايتتى.
“بۇل وقيعا راسىمەن الماتىدا بولدى. وسى فاكتٸنٸ نەگٸزگە الا وتىرىپ, بٸز قىلمىستىق كودەكستٸڭ 105-بابىنا سەيكەس “ٶزٸن-ٶزٸ ٶلتٸرۋگە يتەرمەلەۋ” بابى بويىنشا قىلمىستىق ٸس قوزعادىق. قازٸر تەرگەۋ جٷرٸپ جاتىر”, - دەدٸ سەدەنوۆ.
ەسكە سالايىق, 14 ناۋرىزدا بانكير باقىت يبراگيم ٶز-ٶزٸنە قول جۇمساعان بولاتىن. بۇعان دەيٸن ول Qazaq banki ٸرٸ بانكٸن باسقارىپ, تٸپتٸ ونىڭ اكتسيونەرٸ بولعان. وقيعا ورىن العان كٷنٸ الماتى پوليتسييا دەپارتامەنتٸ قايعىلى جايتتى راستاعان ەدٸ. سونىمەن قاتار سۋيتسيد بولعانىن مەلٸمدەدٸ.
"وسى دەرەك بويىنشا "ٶزٸن-ٶزٸ ٶلتٸرۋگە يتەرمەلەۋ" بابى بويىنشا قىلمىستىق ٸس قوزعالدى. ساراپتاما تاعايىندالدى. مەن-جايى انىقتالىپ جاتىر", - دەدٸ پوليتسييا.
2020 جىلى باقىت يبراگيم جومارت ەرتاەۆپەن بٸرگە RBK Bank-تە "قارجى جىمقىردى" دەپ سوتتالىپ, بىلتىر كٷزدە بوساپ شىققانى كٶپشٸلٸككە مەلٸم.
