Ishki ister ministrligi 22 qylmystyq topty ustady, dep habarlaidy dalanews.kz.
Jyl basynan beri ishki ister organdary dini-ekstremistik ideialardy jamylǵan 22 qylmystyq toptyń qyzmetin toqtatqan. Olardyń quramynda bolǵan 64 adam ustalǵan. Olar bopsalaýmen, alaiaqtyqpen, tonaýmen, brakonerlikpen jáne esirtki ótkizýmen ainalysqan. Kúdiktiler qylmystyq áreketin jasaý úshin atys qarýyn saqtaǵan.
Mundai toptar eldiń ártúrli óńirinde, sonyń ishinde Almaty qalasynda, Aqtóbe, Atyraý, Jambyl, Mańǵystaý, Batys Qazaqstan oblystarynda áreket etken:
- Almatyda radikaldy dini ideialardy ustanǵan tórt adam qala turǵynynan 7,5 mln teńge alyp ketken. Kináliler sot úkimimen 5 jyldan 6 jylǵa deiingi merzimge bas bostandyǵynan aiyryldy.
- Petropavlda radikaldy dini ideologiiany ustanýshy áiel jasaǵan alaiaqtyqtyń tórt epizody ashyldy. Zalaldyń jalpy somasy 2 mln teńgeden asqan. Áiel 3 jylǵa bas bostandyǵynan aiyryldy.
- Pavlodarda radikaldy dini kózqarasty ustanatyn jergilikti turǵyn alaiaqtyqtyń 17 epizodyn jasaǵan. Zalal somasy 8 mln teńgeden asqan. Sot oǵan 5 jylǵa bas bostandyǵynan aiyrý jazasyn taǵaiyndady.
Ishki ister organdary dini ekstremizm ideialaryn ustanýshylar jasaǵan paidakúnemdik-zorlyq sipatyndaǵy 155 qylmystyń betin ashqan. Zańsyz ainalymnan 114 atys qarýy, 3 sýyq qarý, 7 granata, 1600-den asa oq-dári jáne 32 keliden asa esirtki tárkilengen.
Sonymen qatar, politsiia ekstremistik jáne terroristik qylmystardy, sonyń ishinde internette radikaldy ideologiiany taratý deregin anyqtap jatyr:
- Aqtóbede qala turǵyny áleýmettik jelilerde ózge din ókilderin qorlaý arqyly dini arazdyqty jariia túrde qozdyrǵan. Ol 3 jyl 6 aiǵa bas bostandyǵynan aiyryldy.
- Aqtóbede zorlyq-zombylyq aktsiialaryn josparlaǵan radikaldy kózqarastaǵy adam ustaldy. Terrorizmdi nasihattaǵany úshin sot oǵan 6 jylǵa bas bostandyǵynan aiyrý jazasyn taǵaiyndady.
- Túrkistan oblysynda radikaldy dini ideologiiany ustanýshy belgili boldy. Ol internette halyqaralyq terroristik uiym - "Ózbekstan islam qozǵalysynyń" ideialaryn belsendi túrde taratqan. Ol 7 jylǵa bas bostandyǵynan aiyryldy.
