Ishki ister ministrligi Almaty oblysynda aýqymdy operatsiia júrgizdi, dep habarlaidy Dalanews.kz.
Shý qalasynan Almaty oblysyna "baqylanatyn jetkizý" ádisimen júrgizilgen arnaiy operatsiianyń nátijesinde Qarasai aýdanynyń "Turar baqshasy" eldimekeninde jasyryn esirtki zerthanasynyń qyzmeti toqtatyldy.
Sintetikalyq esirtkilerdi óndirý jáne taratýmen ainalysqan qylmystyq shemany kórshi eldiń eki azamaty uiymdastyrǵan. Jedel is-sharalar barysynda zańsyz ainalymnan 11 keliden astam sintetikalyq "mefedron" esirtkisi tárkilendi. Nátijesinde ainalymǵa quny 1,6 mln AQSh dollaryn quraityn shamamen 35 myń bir rettik dozanyń túsýine jol berilmedi.
Sonymen qatar zerthanaǵa júrgizilgen tintý barysynda 20 litr jáne 115 kg psihotroptyq zat, sondai-aq eki tonnadan astam prekýrsor tárkilendi. Olardy óńdeý arqyly 120 kg sintetikalyq esirtki daiyndaý josparlanǵan. Qylmystyq ortaǵa 17,5 mln AQSh dollary kóleminde zalal keltirildi.
"Ustalǵandar ýaqytsha ustaý izoliatoryna qamaldy. Bul baǵyttaǵy jumys jalǵasýda", - dedi IIM esirtki qylmysyna qarsy is-qimyl komiteti tóraǵasynyń mindetin atqarýshy Daniiar Meiirhan.
