Birikken Arab Ámirlikterinde IBA basqarýymen bokstan erler arasyndaǵy álem chempionaty ótip jatyr. Ondaǵy Qazaqstan men Resei boksshysy arasynda ótken jekpe-jek daýǵa ulasty, dep habarlaidy Dalanews.kz
Dýbaida 2–13 jeltoqsan aralyǵynda uiymdastyrylǵan bul dúbirli dodada Qazaqstan namysyn qorǵaý úshin 13 sportshy saparǵa attanǵan. Jarystyń altynshy kúninde 80 keli salmaqta judyryqtasatyn otandasymyz Erasyl Jaqpekov ringke kóterildi. Erasyl týrnirdiń 1/16 kezeńine esh qiyndyqsyz ótip, úshinshi ainalymda reseilik sportshy Djambýlat Bijamovpen kúsh synasty.
Kezdesýdiń úshinshi raýndynda otandasymyz qarsylasyna birneshe dál soqqy baǵyttap, ony eseńgiretken bolatyn. Tipti ringtegi tóreshi nokdaýn eseptep, jekpe-jektiń basymdyǵyn Erasylǵa berdi. Soǵan qaramastan qazylar alqasy jekpe-jekti 2:3 upai sanymen Bijamovtyń paidasyna sheshti.
Bul sheshim jankúierler arasynda úlken daý týdyryp, áleýmettik jelilerde qyzý talqylanýda. Kórermender Erasyldyń aiqyn basymdylyq tanytqanyn aityp, qazaqstandyq sportshynyń qysym kórgenin alǵa tartýda. Al IBA basshylyǵy bul jaǵdaiǵa bailanysty ázirge eshqandai túsinikteme bergen joq.
Osy oqiǵa kóptegen suraqtardy ashyq kúiinde qaldyrdy:
Qazaqstandyq boksshyǵa qasaqana ádiletsizdik jasaldy ma?
Bul sheshimge assotsiatsiia basshysy, qumar oiyndarmen aty shyqqan Ýmar Kremliovtyń yqpaly bar ma?
Aita keteiik, sońǵy jyldary túrli daý-damaiǵa toly sheshimderimen dańqy shyqqan IBA uiymdastyratyn týrnirlerge AQSh, Ulybritaniia, Niderlandy, Avstraliia, Jańa Zelandiia sekildi quramalar boikot jariialap, qatysýdan bas tartqan.
Belgili bolǵandai, IBA júiesindegi kúmándi sheshimder talai sportshynyń saǵyn syndyryp, kóptegen quramalardyń nátijelerin joqqa shyǵarǵan. Osy olqylyqtar saldarynan boks Olimpiadalyq sport túrleriniń qatarynan shyǵyp qalý qaýpine de tap boldy.
Abyroi bolǵanda, jańadan qurylǵan “WORLD BOXING” assotsiatsiiasy Halyqaralyq Olimpiada komitetimen seriktestik ornatyp, sporttyń bolashaǵyna tóngen qaýiptiń aldyn aldy. Qazirgi tańda álemdik boks qaýymdastyǵyn basqarýǵa tájiribesi mol, otandasymyz – áigili boks sheberi Genadii Genadevich Golovkin taǵaiyndalǵany sport jankúierlerin erekshe úmittendirip otyr.
