"Higgsfield AI" qazaqstandyq injenerler jasaǵan jasandy intellekt salasyndaǵy kompaniialardyń biri, dep habarlaidy Dalanews.kz.
Kompaniianyń maqsaty ozyq tehnologiialardy ázirlep, Qazaqstannyń jahandyq ekonomikadaǵy pozitsiialaryn nyǵaitý.
– Bizdiń komandamyzda 22 AI-injener jumys isteidi. Olar Qazaqstandaǵy joǵary oqý oryndarynyń túlekteri. Arasynda 6 halyqaralyq fizika jáne matematika olimpiadalarynyń jeńimpazdary bar. Ádette, osyndai mamandar shetelge ketip qalady, biraq qazir olar elimizdiń igiligi úshin eńbek etip jatyr.
Aýyz toltyryp aitar jetistikterimiz de kóp. Bizdiń neirojeliler 512 GPU NVIDIA bar sýperkompiýterde 9 petabait kólemindegi derekter jiyntyǵynda oqytyldy. 9 ai ishinde biz eki ónimdi iske qostyq. Olar halyqaralyq deńgeide moiyndaldy. Bul jetistikter bizge Google nusqasy boiynsha álemdegi úzdik 25 startap qataryna kirýge múmkindik berdi, – deidi "Higgsfield" kompaniiasynyń bas direktory Erzat Dýlat.
Onyń aitýynsha, "Higgsfield AI" ázirlegen ónim mátindi beinege ainaldyrýǵa qolaily.
– Biz eki ónim ázirledik. Birinshisi – beine jáne mátinder jasaý protsesin jeńildetetin mobildi kontent stýdiia bolsa, ekinshisi – biznester men bilim berý salasyna jańa múmkindikter ashatyn kontent generatsiiasynyń platformasy. Diffuse dep atalatyn qosymsha – mátindi beinege ainaldyrýǵa arnalǵan arnaiy modelge negizdelgen. Ol sondai-aq beinelerdi basynan bastap jasaýǵa nemese selfi túsirip, sol adam qatysatyn beinebaian qurastyrýǵa múmkindik beredi. Barlyq daiyndalǵan ónimder komanda tarapynan júzege asyrylady, bul Qazaqstannyń II mektebiniń áleýetin kórsetedi, – deidi ol.
Qazirgi ýaqytta "Higgsfield AI" usynǵan ónimderdi 2 millionnan astam adam paidalanady. Kompaniia AI-uiymdarynyń top-185 qataryna engen.
– Qazaqstan JI-diń paidasyn kóretin elder qataryna qosylýy tiis. Japoniia men Koreia XX ǵasyrdyń tehnologiialyq innovatsiialarynda óz ornyn tapsa, biz de osy múmkindikter terezesin paidalanyp, JI-di Qazaqstannyń álemdik ekonomikaǵa qosqan úlesi etip qalyptastyramyz, –deidi Erzat Dýlat.
