Halyk Bank Basqarmasynyń quramy taǵy eki adammen tolyqty. Olar - Tilegen Matkenov jáne Andreı Zavarzın. Ekeýi de Úmit Shaıahmetovanyń orynbasary laýazymyna saılandy. Mundaı sheshimdi 7 naýryzda atalǵan banktiń dırektorlar keńesi qabyldady, dep habarlaıdy Dalanews.kz.
Bul týraly aqparat Qazaqstan qor bırjasynyń saıtynda 12 naýryzda paıda boldy.
Tilegen Matkenov Halyk Bank-tiń qaýipsizdik máselelerin qadaǵalaıtyny belgili. Ashyq derekkózderdegi málimetke súıensek, ol 2019 jyldyń mamyr aıynan bastap Qazaqstan İİM esirtki qylmysyna qarsy is-qımyl departamentiniń bastyǵy qyzmetin atqarǵan, polısıa general-maıory ataǵyna ıe.
Andreı Zavarzınniń quzyretine aqparattyq tehnologıalar máseleleri kiredi. Bul málimetti Qarjy naryǵyn retteý jáne damytý agenttigi óz habarlamasynda naqtylaıdy. Buǵan deıin ol Halyk Bank-tyń enshiles uıymy, aqparattyq telekomýnıkasıalyq provaıder - "Qazteleport" AQ Dırektorlar keńesine basshylyq etken bolatyn.
Osylaısha, Qazaqstannyń eń iri bankiniń atqarýshy organynyń quramy toǵyz adamǵa deıin artty:
Basqarma tóraǵasy — Úmit Shaıahmetova,
Basqarma tóraǵasynyń orynbasarlary:
- Olga Výros,
- Murat Kóshenov,
- Dáýren Sartaev,
- Roman Mashchyk,
- Narıman Muqyshev,
- Ertaı Sálimov,
- Tilegen Matkenov
- Andreı Zavarzın.
Buǵan deıin 2025 jyldyń qańtar aıynyń qorytyndysy boıynsha Qazaqstannyń bank sektorynyń aktıvteri, sondaı-aq kredıtter men depozıtter qorjyndarynyń sany kúrt qysqarǵanyn jazǵanbyz. Bul týraly Halyk Finance usynǵan taldaýda aıtylady.
